Ўзбекистон Республикаси Президенти
Шавкат Мирзиёевга!
Ҳурматли Шавкат Миромонович!
Мамлакатимизда бўлиб ўтган Президентлик сайловида халқимиз ишончини қозонганингиз билан самимий табриклайман.
Сизнинг ғалабангиз бу Ўзбекистонда демократия тантанасидир. Халқимиз меҳри ва розилигининг яққол намойишидир.
Сиз бошлаган ислоҳотлар ҳеч қачон ортга қайтмаслигининг кафолатидир.
Ўзбекистон халқи қалбидан муносиб ўрин олганлигингизнинг белгисидир.
Халқимиз ўз келажагини Сизсиз тасаввур эта олмайди. Сиз бошлаган тарихий ўзгаришларни, Сиз билан бирга давом эттиришни истайди.
Ўзбекистонда 2023 йил 9 июль куни бўлиб ўтган Президентлик сайлови ва унда Сизнинг ишончли ғалабага эришишингиз, жаҳон ҳамжамияти олдида ҳам эътибор ва нуфузингиз тобора юксалиб бораётганининг яна бир тасдиғидир.
Ўзбекистон халқи ўз танловини билдирди. Ватан ва Миллат тақдирига бефарқ эмаслигини ўз овози билан амалда намоён этди.
Ҳурматли Шавкат Миромонович!
Масъулиятли ва машаққатли ўз навбатида шарафли ишларингизга омад тилайман. Ҳар доим бугунгидек юзингиз ёруғ бўлсин.
Биз Сиз билан замондош бўлганимиздан фахрланамиз.
Рустам ХОЛМУРОДОВ,
Самарқанд давлат университети ректори,
Ўзбекистон Республикаси фан арбоби.
