Йиғилишда Сенат раиси биринчи ўринбосари, сенатор Содиқ Сафоев, Самарқанд вилоят ҳокими ўринбосари Хуршид Очилов, “Ипак йўли” туризм ва маданий мерос халқаро университети биринчи проректори, профессор Жўлибой Элтазаров, СамДЧТИ ректори Илҳомжон Тўхтасинов, ҳамда Тсукуба университетининг Гуманитар ва ижтимоий фанлар институти профессори Тимур Дадабаевлар ҳам иштирок этди.
Учрашувда халқаро ҳамкорлик, таълим, фан, маданият ва ижтимоий-сиёсий масалалар ҳақида сўз юритилди.
Шунингдек, ҳамкорликда сувни тежаш, яйлов, экология, тупроқ шўрланиши олдини олиш, қайта тикланувчи энерегия манбаларидан фойдаланиш ҳамда шарқ қўлёзмалар фондини татбиқ этиш масалалари муҳокама қилинди ва келажакдаги истиқболли режалар белгилаб олинди.
- 2022 йил сентябрь ойида «Япония-Ўзбекистон» ректорлар форуми ўтказилди. Анжуманда Самарқанд давлат университети вакили билан учрашиб СамДУга катта қизиқиш билдирган эдим, - дейди делегация раҳбари Кёсуке Нагата. – Бугун Самарқандга келдим ва СамДУ кўпроқ маълумотга эга бўлдим. Самарқанд давлат университети ва Цукуба университети тузилмаси, тарихийлиги нуқтаи назардан бир-бирига жуда ўхшаш экан. Иккаласи ҳам ўз мамлакатидаги классик ва илмий салоҳияти юқори ўринда турадиган олий ўқув юрти. Айниқса СамДУда халқаро марказларнинг кўплиги унинг дунё рейтингида кун-сайин юқорилаб бораётганлигидан далолатдир. Бу ерда Япония таълими ва маданияти марказининг борлиги мени жуда қувонтирди… Ташрифдан асосий мақсад халқаро ҳамкорлик масалаларини янада ривожлантириш, томонлар ўртасида тажриба алмашиш, илм-фаннинг долзарб масалаларини муҳокама қилишдан иборат.
Самарқанд давлат университети
Ахборот хизмати.
