Университет жамоасига манзур бўлган ушбу асарнинг намойиш этилиши 1 октябрь – Ўқитувчи ва мураббийлар куни байрами олдидан муносиб совға бўлди.
Спектаклда буюк ўзбек саркардаси Баҳодир Ялангтўшнинг бунёдкорлик ишлари, юрт ободлиги, халқ фаровонлиги йўлидаги хизматлари ўз аксини топган.
Асар воқеалари асосан XVII асрни ўз ичига олиб, унда Ялангтўш Баҳодирни Тиллакори ва Шердор мадрасаларининг бунёд бўлишига сабаб бўлган улкан меҳнати ва машаққатлари акс этган.
- Илк бор театрга кириб спектакль томоша қилдим. Ўзимни ўша муҳитга тушиб қолгандек ҳис қилдим, - дейди СамДУ филология факультети талабаси Муштарийбегим Исмоилова. - Актёрларнинг жонли ижросидан баҳраманд бўлиш мароқли экан. Баҳодир Ялангтўш ҳақида адабиётларда ўқиганман. Бугун янада кўпроқ маълумотга эга бўлдим. Баҳодир Ялангтўшнинг жанговар қудратини ифодаловчи саҳналар, бунёдкорлик ишлари, адолатли раҳбарлиги, уддабурон давлат арбоби эканлигини кўришимиз мумкин. Ҳукмдорнинг ўғлидан жудо бўлганини кўриб кўзимга ёш келди. Шердор ва Тиллакори мадрасаларининг қад кўтаришида қизларининг ҳам беқиёс ўринга эгалиги таҳсинга сазовор. Спектакль якунида Маҳмудхўжа Беҳбудийнинг "Театр - бу ибратхона" деган фикрлари кўнглимдан ўтди…
Самарқанд давлат университети
Ахборот хизмати.
