Фото: Бухорода ҳаводан сув олувчи қурилма ишга туширилди

14-05-2019, 16:43
Жамият
Фото: Бухорода ҳаводан сув олувчи қурилма ишга туширилди
Бухоро шаҳрида 14 май куни Ўзбекистон Республикаси Инновацион ривожланиш вазирлиги, Исроилнинг “Watergen Ltd.”, Холон технологиялар институти билан ҳамкорликда “Gen-350” атмосфера сув генератори ўрнатилди. Бу ҳақда ЎзА хабар қилди.

Ҳаво намлигидан фойдаланган ҳолда тоза ичимлик суви ҳосил қилувчи мазкур ҳаво-сув генератори қурилмаси бир суткада ўртача 900 литргача тоза сув олади. “Watergen” технологияси асосидаги “GENiusTm”, “Gen-350” қурилмалари дунёдаги энг кам энергия сарфловчи ҳаво-сув генератори бўлиб, у кам қувват истеъмоли билан кўпроқ сув ҳосил қилиш имконини беради. Қурилма, шунингдек, бир нечта тўсиқли фильтр каскадлар орқали ҳавони фильтрлайди.

Таъкидлаш жоизки, атмосфера ҳавоси намликнинг улкан резервуари ҳисобланади, ҳатто қуруқ иқлимли ҳудудларда ҳам одатда 1 квадрат метр ҳавода 6-10 граммгача сув бўлади. Қуруқ иссиқ, чўл ҳудудларидаги ерга яқин жойлашган 1 квадрат километр атмосфера қатламида 20 минг тонна буғ мавжуд.

Статистик маълумотларга кўра, дунё аҳолисининг бешдан бир қисми сув тақчил ҳудудларда яшайди. Бундан ташқари, жаҳон аҳлининг тўртдан бир қисми ер ости сувлари ва дарёлардан фойдаланиш имконини берувчи инфратузилмалар мавжуд бўлмаган ривожланаётган мамлакатларда истиқомат қилади. Сув танқислиги глобал муаммога айланиб улгурган ҳозирги замонда чўл ҳудудларида сувга бўлган эҳтиёжни қондириш, биологик тизимни мувозанатга келтириш, ўсимлик ва ҳайвонот дунёсини сув билан таъминлаш мақсадида ҳаводан сув олиш лойиҳасини амалда синаш Ўзбекистон учун ўта долзарб.

Бухорода ишга туширилган янги қурилма Инновацион ривожланиш вазирлиги бошчилигида тажриба тариқасида илк бор синовдан ўтказилмоқда.

Инновацион ривожланиш вазири Иброҳим Абдураҳмонов 12 май куни Исроил давлати делегацияси билан учрашувда ушбу лойиҳа муваффақиятли амалга оширилган тақдирда 2 ойдан сўнг Қорақалпоғистоннинг Мўйноқ туманида ҳам қурилмани ўрнатиш масалаларини муҳокама қилди. Вазир, шунингдек, келгусида ҳар бир хонадон учун мўлжалланган ҳаво намлигидан фойдаланган ҳолда тоза ичимлик суви ҳосил қилувчи кичик ҳаво-сув генераторларини ишлаб чиқиш бўйича амалий таклифлар берди.

Фото: Бухорода ҳаводан сув олувчи қурилма ишга туширилди
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Azim Qayumov 14 май 2019 19:35
Бунга сарфланаётган маблағни тоза ичимлик сувни тежашга сарфласак мақсадга мувофиқ бўларди.Қанчадан қанча тоза ичимлик суви беҳуда оқиб ётибди.Тоғлардан оқаётган тоза шаффоф тоза ичимлик суви инсофсизларча ифлослантириябмиз.Ҳоводан олинаётган сув тоғлардан оқаётган менираллашган бўлоқ суви ўрнини босолмайди.Бу технология экологияга тасир қилмаслигини ҳеч ким кафолатламайди.

МУНОСАБАТ БИЛДИРИШ

Сўнгги янгиликлар

Видео: Самарқандда содир бўлган кучли қуюн уй томини учириб юборди

Телеграм каналларда Самарқандда содир бўлган кучли қуюн видеоси тарқалди. Унда шамол натижасида икки қаватли уйнинг...
Бугун, 18:44

Ижтимоий тармоқларда яна бир қурилиш ва "замҳоким" билан боғлиқ видеолавҳа тарқалди

Бугун ижтимоий тармоқларда Тошкент шаҳар Олмазор тумани ҳокими ўринбосари А.Ваҳабов билан боғлиқ яна бир видеолавҳа...
Бугун, 18:22
/ Муҳокамалар +1

Ҳоким ўринбосари ва «KUN.UZ» ходимлари ўртасида келиб чиққан ҳолат Бош прокуратура томонидан назоратга олинди

Тошкент шаҳар Олмазор тумани ҳокими ўринбосари А.Ваҳабов ҳамда «KUN.UZ» нашри ходимлари ўртасида келиб чиққан ҳолат Бош...
Бугун, 18:07
/ Муҳокамалар +1

Мактабларда пуллар талон-торож қилинганлиги аниқланди

Ўзбекистон Республикаси Молия вазирлигининг Давлат молиявий назорати департаменти ва унинг ҳудудий бошқармалари...
Бугун, 09:47

«У “крутой”ми ёки ақмоқ?» – Ўзбекистонлик блогер ўзини поезд остига ташлаб, буни видеога олди (+ВИДЕО)

Ўзбекистонлик блогер ўзини поезд остига ташлаб, буни видеога олди. Блогер бу ишни кўпроқ обуначи йиғиш учун амалга...
Бугун, 09:01
/ Муҳокамалар +4