Тошкент шаҳри билан водий вилоятларини боғловчи йўл А373 “Тошкент – Ўш” автомобиль йўлининг Тошкент вилояти ҳудуди орқали ўтувчи йўлдан бир кунда қарийб 30 мингдан ортиқ автомобиль ҳаракатланади.
Уларнинг белгиланган тезликни меъёридан оширмаслигини назорат қилиш мақсадида йўлларда фоторадарлар ишлаб турибди. Тошкент вилоятида ҳудудига қарашли йўлларда жойлашган фоторадарлар ўтган 3 кунда 1652 та қоидабузарликни қайд этди. Бу қоидабузарликлар бўйича чиқарилган қарор “Ўзбекистон почтаси” орқали ўз эгаларига юборилмоқда.
Агар қоидабузар ҳайдовчиларни вилоятлар кесимида таҳлил қилсак, Андижон вилояти 242 та, Фарғона вилояти 487 та, Наманган вилояти 332 та, Тошкент вилояти 343 та ва бошқа ҳудудлардан 248 тани ташкил этди. Бундан кўриниб турибдики водийлик ҳайдовчилар қоидабузарлар рўйхатида етакчилик қилмоқда. Улар йўл ҳаракати қоидаларини бузиш билан бирга, ўз ҳамёнига ҳам зарар етказмоқда.
Шунингдек Тошкент вилояти ИИБ ЙҲХБ матбуот гуруҳи инспектори Рустам Асқаров Тошкент вилояти ЙҲХ бошқармаси вилоят ҳудудида фоторадарлар мунтазам фаолият олиб бораётгани ҳақида огоҳлантирди.
