Алламжонов: менга барча сайтларни ёпишни таклиф қилганлар ҳам бўлди

Алламжонов: менга барча сайтларни ёпишни таклиф қилганлар ҳам бўлди
Бугун, 15 май куни Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги катта залида суд органлари билан республика журналистлари ўртасида изчил ҳамкорликни ўрнатиш, уларнинг суд мажлисларидаги иштирокини таъминлаш, очиқ суд материалларини ёритишда ОАВдан фойдаланишни назарда тутувчи чора-тадбирларни такомиллаштириш масалаларига бағишланган давра суҳбати ўтказилди.

Унда Ахборот ва оммавий коммуникациялар агентлиги раҳбари Комил Алламжонов ҳам иштирок этди ва нутқ сўзлади. Бу ҳақда kun.uz хабар қилди.

Тадбирда иштирок этган журналистлар билан савол-жавоб бўлиб ўтди. «Адолат кўзгуси» газетаси мухбири ҳозирги кунда қонунчиликда баъзи масалаларга кўпроқ урғу берилиши кераклигини таклиф қилди. У ҳозирги кунда қонунчиликда «блогер» атамаси мавжуд эмаслиги, шу сабабли бу бўйича ишлар олиб борилиши лозимлигини айтиб ўтди. У судларда қатнашаётган журналистлардан таҳририят билан тузилган шартнома ва унинг гувоҳномасини кўрсатиш талаб этилиши кераклигини қўшимча қилди. Шунингдек, журналистлар томонидан кўплаб хатоларга йўл қўйилаётгани сабабли жавобгарлик янада қатъийлаштирилиши лозимлигини алоҳида таъкидлади.

Агентлик раҳбари эса бу таклифга ўз муносабатини билдирди.

«Журналистларга узоқ вақт давомида эркинлик берилмаганда эди, ҳозир жазо берсак бўлар эди. Ҳозир сайтларимиз, газеталаримиз танқид қилишгани, бошқачароқ айтганда «чақиб, чақиб олишлари» ортидан ижобий ишлар кўзга ташланяпти. Ҳозир ҳамма интернет сайтларни ўқимоқда. Орангизда газета кўтариб келган одам йўқ.

Биз энди матбуотга йўл очяпмиз. Шу пайтда уларни жазолаш масаласига келсак, кечирасизу қонунда ҳаммаси ёзиб қўйилган. Нотўғри маълумот учун жавобгарлик белгиланган. Баъзида менга барча сайтларни ёпиш таклиф қилинган ҳолатлар ҳам бўлди. Агар биз журналистни бўғсак, блогерни бўғсак, ҳамма жим бўлиб қолса нима бўлади? Сиёсий мазмунларни келтириб чиқаришни хоҳловичлар бизга раҳмат дейди.

Блогерлар масаласига келсак, ҳозир ҳаммада телефон бор. 20 миллион нафар блогер бор деб ҳисоблайверинг. Лекин, қонун бор. Агар кимнингдир қонуний манфаатига зид келадиган нотўғри маълумот тарқатса, жавобгарлик бор-ку?

Журналистлар эркин ишлаши керак. Унинг ижод эркинлиги мавжуд. Уни ёз, буни ёз дейишга ҳеч кимнинг ҳаққи йўқ. Буни ўзининг таҳририят сиёсатига қараб белгилайверади. Яна бир бор айтаман: эркин сўз, бемалол гапиринг, танқид қилинг, қўрқманг, лекин ҳар бир гапингизга масъулиятни ҳис қилинг. Бутун жаҳонда шундай», деди Комил Алламжонов.

Ўхшаш янгиликлар

  1. Исметулла уснатдинович Нукус т 15 май 2019 17:31
    Тугри фикр К.Алламжанов
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Видео: Жаҳонгир Отажонов Президентга мурожаат қилиб ҳоким лавозимини сўради

Жаҳонгир Отажонов яна бир видеомурожаат йўллади. Бундан аввал собиқ хонанда президентлик сайловларида қатнашиш нияти борлигини айтиб,...
Кеча, 21:02
2

Ўзбекистонда эркаклар аёллардан кўпроқ экани маълум бўлди

Ўзбекистонда эркаклар аёллардан кўпроқ экани маълум бўлди. Бу бўйича маълумот Давстатқўм томонидан тақдим этилди. Маълум бўлишича, 2021...
Кеча, 20:41

Ўзбекистонда ноқулай об-ҳаво сабабли қанча аҳоли электрсиз қолгани маълум қилинди

Кеча, 21 январь кунидан бошланган ноқулай об-ҳаво сабабли айрим ҳудудларда электр энергияси билан боғлиқ муаммолар юзага келди. "Ҳудудий...
Кеча, 16:57
2

Самарқанд ва Қашқадарё вилоятларини боғловчи довон ёпилди

Ўзбекистонда об-ҳавонинг кескин совиб кетиши бир қанча ноқулай вазиятларни келтириб чиқармоқда. Аввалроқ мамлакатимизда кузатилган қор...
Кеча, 16:29

Видео: Ўзбекистонда қор бўрони кузатилмоқда. Электрда узилишлар ва биноларнинг томлари учиб тушмоқда

Бугун Ўзбекистонда ҳаво кескин совиб кетди. Айрим вилоятларда қор бўрони кузатилмоқда. Хусусан, кучли шамол ва қор бўроин кузатилгани...
Кеча, 14:30
2
Ўзбекистон янгиликлари » Жамият » Алламжонов: менга барча сайтларни ёпишни таклиф қилганлар ҳам бўлди