Наманган вилояти, Чуст туманидаги фермер даласидан булоқ чиққан ва унинг суви шифобахшлиги учун минглаб одамлар шу ерга оқиб келаётгани маълум бўлганди.
"Хабар.уз"нинг Телеграмдаги "Водий бозор" каналида хабарга таяниб маълум қилишича, ер остидан чиққан сув Наманган вилояти давлат санитария эпидимология назорати маркази томонидан истемолга яроқсиз деб топилган.
Куни кеча булоқдан сув чиқиши тўхтагани ва бир неча кундан сўнг яна сув келиши ҳақида хабар берилганди.
«Кеча биз хам Чуст туманига борганимизда сув чиқиши тўхтатилган ва сувдан намуна сифатида Санитария-эпидемиология станциясига юборилганлигини айтишган эди. Бугун Наманган вилояти Чустда топилган шифобахш сув СEС томонидан истеъмолга яроқсиз деб топилибди» дейилади хабарда.
