БелаПАН МДҲ давлатлари орасида январь-сентябрь ойларида истеъмол товарларига нархларнинг ўсиши бўйича ўз таҳлилини эълон қилди. Бу ҳақда БелаПАН’нинг ахборот проекти хабар қилмоқда.
Тўққиз ойда Ўзбекистонда 8,1 фоиз, Украинада 5,6 фоиз ва Тожикистонда 3,8 фоизга нархлар кўтарилган.
Шунингдек, таҳлилда таъкидланганидек айрим давлатларда нархлар тушган. Хусусан, Озарбайжонда 0,1 фоизга, Молдовада 0,4 фоизга, Арманистонда 0,8 фоизга ва Қирғизистонда 1,1 фоизга нархлар тушиши кузатилган. Туркманистонда нарх ўисиши ярим йиллик таҳлилга асосан (8,9 фоиз) эълон қилинган.
БелаПАН келтирган маълумотга кўра биргина сентябр ойида Ўзбекистонда нархлар 1,8 фоизга ўсган. Украинада эса бир ойда нархлар 1,9 фоизга ўсган.
