Президент Шавкат Мирзиёев Самарқанд вилоятида енгил метро қуриш бўйича топшириқ берган. Бу ҳақда Бош вазир ўринбосари Азиз Абдуҳакимов маълум қилди.
Самарқанд туманидаги эшкак эшиш канали бўйида туристик марказ қурилиши режалаштирилмоқда. Президент Шавкат Мирзиёев 26 июль куни бу ерга ташриф буюриб, шу борадаги лойиҳа таклифи билан танишди.Мажмуа учун 360 гектар ер ажратилиши, унинг 80 гектарида анжуманлар маркази, меҳмонхоналар ва бошқа объектлар қурилиши мўлжалланган. Меҳмонхоналар 5, 4 ва 3 юлдузли бўлиб, барча тоифадаги сайёҳларни қамраб олади. Сайилгоҳлар, сузиш жойлари, сунъий оролчалар, ресторанлар ташкил этилади.
"Президентимиз бу ерда болалар дам олиши учун ормгоҳ қуриш бўйича топшириқ берди. Юртбошимиз аҳолига қулайлик яратиш нуқтаи назаридан, яъни кўп аҳоли яшовчи мавзелардан транспорт логистикасининг ечими сифатида Самарқандда енгил метро қуриш топшириғини ҳам бердилар. Ушбу лойиҳаларни амалга ошириш натижасида Самарқанд вилояти ва Самарқанд шаҳрининг энг асосий даромад манбаига туризм соҳаси айланиши кутилмоқда" - деди Азиз Абдуҳакимов.
П.С. Шу ўринда енгил метро ва биз билган ер ости метросининг фарқи нимада деган савол туғилиши табиий. Россиялик журналист енгил метро ва оддий метронинг фарқини қуйидаги видеолавҳа орқали тушинтиришга ҳаракат қилган.
