Аввалгисидан 5 миллионга арзонроқ янгиланган Malibu модели тақдим этилди. Унинг афзалликлари нимада? (БАТАФСИЛ)

Аввалгисидан 5 миллионга арзонроқ янгиланган Malibu модели тақдим этилди. Унинг афзалликлари нимада? (БАТАФСИЛ)
UzAuto Motors компанияси янгиланган Malibu моделини тақдим этмоқда. Бу ҳақда компания матбуот хизмати маълум қилди. Қуйида янгиланган моделнинг афзалликлари ва унинг шу кунгача ишлаб чиқарилган Malibu'дан фарқи ҳақида сўз юритилади.

Янгиланган, кўпчиликнинг кўнглидан жой олган Malibu, Ўзбекистон бозорида Malibu 2.5л. ўрнини эгаллайди ҳамда унинг янги технологик ва тежамкор (30%) давомчиси бўлади.

Malibu 1.5 л. Turbo – бу чиройли ва уйғун тузилган седан бўлиб, бежирим ва аниқ чизгиларга эга.

Олдузатмали автомобиль аввалгисидан 100 килограммга енгил эканлигига қарамай, унинг узунлигига тахминан 12 сантиметр қўшган. Бундай натижага унинг 1,5 литрли 160 от кучига эга турбомотори сабабли эришилган.

Шуни қайд этиш лозимки, мазкур моделнинг нархи аввалгисидан 5 миллион сўмга арзон ва у иссиқ иқлимли мамлакатлар учун айни муддао саналади. Янгиланган моделнинг ранглар палитраси ҳам кенг доирада тақдим этилган. Дарвоқе, ушбу модель гўзал аёлларимиз учун ҳам жуда мос келади.

Шунингдек айни дамда янгиланган Facelift Malibu Turbo 2 л. автомобилининг ҳам савдоси йўлга қўйилган. Ушбу моделдаги автомобилларни етказиб бериш 2019 йилнинг сентябрб ойидан бошланади.

Хариорларнинг Malibu автомобилига бўлган талаби катталигини инобатга олган ҳолда UzAuto Motors Асака банки, InfinBank va Ўзавтосаноат-лизинг билан биргаликда автомобилни байрамона акция шартларида харид қилишни таклиф этади.

Харидорларга шуни маълум қиламизки, ҳозирги вақтда Malibu 2.5л. автомобили жуда оз миқдорда чегараланган ранглар палитрасида қолган ва ушбу модель ишлаб чиқаришдан тўхтатилмоқда.

Компания дилерлар билан биргаликда Malibu2.5 л. автомобили учун шартнома тузган мижозлар олдидаги мажбуриятларини тўлиқ ва ўз вақтида бажарилишини кафолатлайди, дейилади компания матбуот хизмати тарқатган хабарда.

Ўхшаш янгиликлар

  1. Галтакбек 17 август 2019 07:35
    Ха Малибунинг очередида 6 ойлаб туришибди .. бир ховуч бойваччалардан бошка ким олиб билади... арзонлади эмиш...
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Жамият » Аввалгисидан 5 миллионга арзонроқ янгиланган Malibu модели тақдим этилди. Унинг афзалликлари нимада? (БАТАФСИЛ)