Тошкентда йўл қоидасини бузган аёл ЙПХ ходими томонидан тўхтатилди.
"Тошкент" телеканалида "Пойтахт йўлларида" номли кўрсатувда йўл қоидасини бузган аёл билан боғлиқ видеолавҳа намойиш этилди. Унда аёлдан ҳужжатлар сўралганда мажбурий суғурта мавжуд эмаслиги маълум бўлган ва ЙПХ ходими автомашина жарима майдончасига олиб борилишини айтган. Шунда ҳайдовчи 6 болани боқаётганини, ишонмаса уйига бориб кўрсатишини, болалари оч қолишини айтган. Шунингдек у ходимдан арзонроқ жарима ёзиб беришни ҳам сўраган. Лекин ҳайдовчининг бу илтимослари эътиборга олинмаган ва автомашина жарима майдончасига олиб борилган.
