Монополияга қарши курашиш қўмитаси: Artel, Crafers компаниялари монополист эмас

Монополияга қарши курашиш қўмитаси: Artel, Crafers компаниялари монополист эмас
Аввалроқ ижтимоий тармоқларда Фуқаро Отабек Нуритдиновнинг Тошкент шаҳар хокими Жахонгир Ортиқхўжаевга мурожаат қилган эди. Унинг ижтимоий тармоқ орқали қилган мурожаатини бугунги кунга қадар бир қанча сайтлар ва ўнлаб гуруҳлар қизғин муҳокама қилдилар. Он-лайн тарзида ёзилган мурожаат албатта аниқ манзилга жўнатилган ва табиийки хокимнинг ўзи ушбу мурожаатга жавоб бериш ёки бермаслик, бу унинг ихтиёри, деб ёзади Монополияга қарши курашиш қўмитаси матбуот хизмати.

Қўмита ўз ахборотида Artel, Crafers компаниялари монополист эмаслиги ҳақида ёзган.

“Crafers” компанияси бўйича:

2019 йил 1 август ҳолатига республика ҳудудида 600дан ортиқ хўжалик юритувчи субъект қандолат маҳсулотларини (ассортиментда) ишлаб чиқариш билан шуғулланади. Шунингдек, ушбу маҳсулот бозорида жуда катта миқдорда импорт қилинган маҳсулотлар мавжуд бўлгани сабабли ушбу бозор анча паст концентрациялашган, рақобат эса юқори даражада ривожланган.

Бундан ташқари, бозордаги улушлар таҳлил қилинганда, қайсидир хўжалик юритувчи субъектнинг устун мавқега эга эканлиги аниқланмади. Оддий қилиб айтганда, “Crafers” - қандолат маҳсулотлари бозори ҳолатига хеч қандай таъсир кўрсатмайди.

“Artel” компанияси бўйича:

2019 йил 1 август ҳолатига Ўзбекистонда 10тадан кўп компания электр маиший техникасини (йирик ва майда) ишлаб чиқариш билан шуғулланади.

Статистика органларидан олинган маълумотларига кўра, бугунги кунда 100дан ортиқ хўжалик юритувчи субъектлар “Artel” компанияси ишлаб чиқараётган маҳсулотларга ўхшаш маҳсулотларни ишлаб чиқариш ва импорт қилиш билан шуғулланиб келмоқдалар.

Демак, юқорида қайд этилганидек, ушбу маҳсулотлар бозорида рақобат юқори даражада ривожланган.

“Akfa Group” компанияси бўйича:

2019 йил 1 август ҳолатига республика миқёсида пластмассадан эшик ва ром ишлаб чиқарувчи хўжалик юритувчи субъектларнинг сони 180тадан ошган.

Бундан ташқари, мазкур бозорда алюминийдан эшик ва ром ишлаб чиқарувчи 400тадан ортиқ хўжалик юритувчи субъектлар ҳам фаолият кўрсатадилар.

Умуман олганда, ушбу бозорда ҳам концентрация даражаси паст, рақобат эса етарли даражада ривожланган.

Бироқ, мазкур бозордаги ишлаб чиқарилаётган алюминий ва пластик маҳсулотларнинг техник ва технология жиҳатидан ўзига хос хусусиятларга эга эканини ҳисобга олган ҳолда, Қўмита ҳар иккала маҳсулотларни ишлаб чиқаришда маълум бир компания ёки шахслар гуруҳи устун мавқега эгами, йўқлигини аниқлаш мақсадида қўшимча ўрганиш ишларини олиб боришига тўғри келади. Ўрганиш натижалари алоҳида маълум қилинади.

Бозор муносабатлари шароитида давлатни хўжалик юритувчи субъектларнинг фаолиятига аралашишига ҳаққи йўқ. Ўз навбатида, хўжалик юритувчи субъектлар ўз фаолият йўналишларини, ишлаб чиқараётган маҳсулотлари ва кўрсатаётган хизматлари нархларини (тарифларини) мустақил белгилайдилар.

Маълумот тариқасида эслатиб ўтамиз: устун мавқе товар ёки молия бозорида хўжалик юритувчи субъектнинг ёхуд шахслар гуруҳининг рақобатлашувчи хўжалик юритувчи субъектларга боғлиқ бўлмаган ҳолда унга ўз фаолиятини амалга ошириш ва рақобатнинг ҳолатига ҳал қилувчи таъсир кўрсатиш, тегишли бозорга бошқа хўжалик юритувчи субъектларнинг киришини қийинлаштириш ёхуд уларнинг иқтисодий фаолият эркинлигини бошқача тарзда чеклаш имкониятини берадиган ҳолатидир.

Товар бозорида қайси хўжалик юритувчи субъект ёки шахслар гуруҳи товарининг улуши:

1) эллик ва ундан ортиқ фоизни ташкил этса;

2) ўттиз беш фоиздан эллик фоизгача ҳажмда бўлиб, бунда қуйидаги шартлар:

- хўжалик юритувчи субъектнинг товар бозоридаги улуши камида бир йил мобайнида барқарор бўлиб туриши (яъни хўжалик юритувчи субъектнинг ёки шахслар гуруҳининг улуши товар бозорининг 35-50 фоизи атрофида бўлса);

- товар бозорида бошқа хўжалик юритувчи субъектларга (рақобатчиларга) тегишли улушларнинг нисбий миқдорда бўлиб туриши, яъни бозода 20 фоиздан ортиқ улушга эга бўлагн хўжалик юритувчи субъектлар ёки шахслар гуруҳини йўқлиги;

- ушбу бозорга янги хўжалик юритувчи субъектларнинг (рақобатчиларнинг) киришига имкониятини мавжудлиги, хўжалик юритувчи субъектни устун мавқега эга деб эътироф этилишига сабаб бўлади, дейилади хабарда.

Ўхшаш янгиликлар

  1. Ali 22 август 2019 22:37
    Aslida bizni fikrimizni inobatga olishmaydi, lekin bu korxonalar monopol emas degan bn biron narsa uzgarmaydiku. Chunki monopol ekanligini hamma biladi, eng arzon ishchi kuchi bizda bulsa kk, masalan utgan yili qozogistonda 32 lik TV 1.2 mln sum, Bizda artelni shunday TV 1.5 mln sum edi. Nihoyat bojxonalar yopildi bulmasa ARTEL yopilardi. Oddiy xorijda ushlab chiqarilib yul kira Sarflari bn qushganda ham raqobat qila olmagan korxona MONOPOL bulsa kk.
    Bularga qolsa GM UZ ham monopol emasligini isbotlab beradi.
    Shu bergan malumotiylarga uziylar ishonasilami???

    Demak GM uz ham monopoliya emas
  2. ИСТИНА 22 август 2019 09:40
    Жахонгр Ортикхужаев хоким булганидан бери танкидга салинмокда. Унгача борор инсон хам уни тилга олмаган. Бу гаплар кераги йук. Эплаган эшак минади дейишади. Эплаяптими Молодец. Килсин канча булса хам килсин
  3. Abdurauf 22 август 2019 07:54
    ushbu kompaniyalar olayotgan imtiyozlar haqidayam yozinglar
  4. Максуд 22 август 2019 07:39
    Нима учун Монополия матбуот маркази , жавоб бериш ё бермаслик уларни ихтиёри деяпти?? Нима учун??? Бундай холатда хар кандай компания изох беришга мажбурдир!!! Чунки тадбиркорликка тускинлик булаяпти!!!! Ё монополия мат. маркази улардан маош олармикин!!!
  5. Akbar 22 август 2019 06:42
    Artel maishiy texnika mahsulotlari sifatsiz. Agar origginal Sony, Samsung, Tashiba, Shivaki, Sharp va hokazo juda ko'p kompaniyalarni mahsuloti bemalol ortiqcha to'lovlarsiz, yengilroq narxda yurtimiizga kirishinii iloji bolganda, kechirasizlarku Artel hech kimga kerakmas bolib qoladi. Artel kompaniyasida zborka qilinayotgan shivaki samsung nomi ostida chiqarilayotgan mahsulotlar Artel bilan bir xill yani sifatsiz. Bu bilan man butunlay sifatsiz mahsulot ishlab chiqaradi demoqchi emasman. Nisbatan.
  6. Иргаш 22 август 2019 06:11
    Артелга ракобатчи компанияларни номини билмаймиз.
  7. шухрат 22 август 2019 00:49
    Артел махсулотлари 90 фоиз детали хориждан олиб келиб бизда йигилади.мен учин бу корхона 100 фоиз монопол деб Билайна.
  8. AzizGazieff 22 август 2019 00:47
    Буни монополия дейиш ноурин.
    Артель,Крафферс ва Акфа чиқараётган махсулотлар ростан хам харидорни қизиқтира оладиган даражада.
    Умуман олганда қачон узимизда чиққан шоколадни танаввул қилгансиз?
    Шу Крафферс чиққунча биттасиниям еб булмасти,бемаза маргарин маза кеб турарди.
    Крафферсни қизиқиш учун татиб курувдим хар қалай Россия шоколади эмаску лекин ушанга яқин.
    Бытовой техника олиш учун дуконларга кирсам хам выбор доим куп ора-чора Артель хам олиб тураман,ундан арзонроқ Хитой варианлари хам булади лекин уларнинг сифатига хеч ким кафолат бермайди.
    Артель эса хеч парот қимаган.
    Акфага эса бахо бера олмайман.
    Дераза-Ромларга шахсан мани ишим тушмаган.
    Кучайиб борвотган фирмани кура олмай ғийбат қимастан бошқа ишлаб чиқарувчиларни хам улардан урнак олишга чақирсак яхшироқ буларди.Фақат арзон чиқадиган нарсани чиқариб бир кунни уйлаш керак эмас.
    Товарный вид сотилиш ва танилишда катта урин тутади.
  9. Ikrom 21 август 2019 23:00
    Yolg'on juda ko'p
  10. Oybek Rahimov 21 август 2019 22:03
    Ракобатчиларидан суранг курсатгичларингизга таьсир киладиган устунликларини айтиб беришади. Ушанда бахо берасизлар р...
  11. Dilshod Rakhimov 21 август 2019 21:01
    Бюджет муассасаларига зўрлаб қўйиб кетилаяпган маиший техника 100% Аrtel.Кўриш учун исталган касалхонага боринг.Янги йилда болаларга аталган совғалар фақат ”крафферс”.Янги қурилаётган уларни ромлари, иситиш тизими қайси фирманики?Буни ҳам текшириб кўринглар.
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Видео: Юлдуз Усмонова Дубайга дам олгани кетди

Хонанда Юлдуз Усмонова Юрак номли қўшиғига клип суратга олгач, Дубайга кетишга қарор қилди. Бу ҳақда ОАВда хабарлар тарқалди. Хонанда ушбу...
Кеча, 18:48

Ўзбекистонда 2020 йилда қанча ўлим ҳолати қайд этилгани маълум қилинди

Давлат статистика қўмитаси томонидан Ўзбекистонда 2020 йилда неча киши вафот этгани маълум қилинди. Бу ҳақда EVERYDAY.UZ мухбири хабар...
Кеча, 18:23

Видео: “Жуда жаҳлим чиқди” – Самарқандда боғча раҳбари нима сабабдан болани урганини айтди

Аввалроқ сайтимизда Самарқанднинг Булунғур туманидаги 13-МТМда содир бўлган воқеа видеоси тарқалгани ҳақида ёзган эдик. Видеода мудира...
Кеча, 17:49
1

Ўзбекистонда ёғингарчилик бўлиши кутилмоқда

Ўзбекистонда бир неча кунлик илиқ ҳаводан сўнг ёғингарчилик бўлиши кутилмоқда. Бу ҳақда Ўзгидромет хабар қилди. Эртага, 19 январь куни...
Кеча, 17:14

Деновда баскетбол бўйича қизлар жамоалари ўртасида туман биринчилиги ўтказилди

Президентимизнинг 2020 йил 30 октябрдаги “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари...
Кеча, 15:15
Ўзбекистон янгиликлари » Жамият » Монополияга қарши курашиш қўмитаси: Artel, Crafers компаниялари монополист эмас