"Тошкент" автовокзалидан кетувчи автубусларга онлайн чипта харид қилиш имконияти пайдо бўлди. Бу ҳақда EVERYDAY.UZ мухбири хабар қилди.
Ҳозирда онлайн чиптани фақатгина "Тошкент" автовокзалидан кетадиган автобуслар учун харид қилиш мумкин. Кейинчалик у ерда Ўзбекистоннинг барча ҳудудидан йўлга чиқувчи автобуслар учун ҳам харид қилиш имконияти пайдо бўлади.
Ҳозирда сайтда уч кунлик маълумотлар, автобуслардаги бўш ўриндиқлар сони, автобусларнинг жўнаш вақти, модели ҳақидаги батафсил маълумотлар мавжуд, деб ёзади "Халқ сўзи".
