Яккабоғда ҳоким ўринбосарини ёқиб юборган тадбиркор озодликка чиқарилди. Бу ҳақда EVERYDAY.UZ мухбири хабар қилди.
Маълум бўлишича ҳоким ўринбосарни ёқиб юборган тадбиркор Баҳриддин Исомов ўша куни аффект ҳолатида, яъни кучли руҳий ҳаяжонда бўлган ва Яккабоғ тумани прокурори санкцияси билан айблов Жиноят кодексининг 97-моддаси (“Қасддан одам ўлдириш”)дан 98-модда (“Кучли руҳий ҳаяжонланиш ҳолатида қасддан одам ўлдириш”)га қайта малакаланиб, айблов енгиллашгани муносабати билан қамоққа олиш эҳтиёт чораси бекор қилинган.
Бундай ечимга келишга Қарши университети психология факультети олимларидан иборат экспертлар гуруҳининг хулосаси сабаб бўлган.
Тадбиркорнинг адвокатинингнинг маълум қилишича бундай хулосага такрорий комиссиия натижасига кўра келинган. Ундан олдинги текширувда экспертиза аъзолари хатто тадбиркор билан суҳбатлашмаган ҳам ва шунинг натижасида унга оғирроқ жазо тайинланадиган модда билан жиноий иш қўзғатилган.
ЖКнинг 98-моддасида кучли руҳий ҳаяжонланиш ҳолатида қасддан одам ўлдирганлик учун 2 йилдан беш йилгача озодликни чеклаш ёхуд 5 йилгача озодликдан маҳрум қилиш жазоси кўзда тутилган, дея маълум қилди "адвокатньюс.уз".
