Вазирлар Маҳкамасининг 17.08.2019 йилдаги 683-сонли қарори билан Қўқон университети фаолияти йўлга қўйилгани ҳақида хабар берган эдик. Қуйида ушбу университет, ундаги контракт пули ва грантга кимлар қабул қилиниши ҳақида ёзамиз.
Университетга ижтимоий ҳимояга муҳтож оилаларнинг иқтидорли ва ўзлаштириш кўрсаткичлари юқори бўлган фарзандлари орасидан танлов асосида камида 10 нафар абитуриентлар грант асосида ўқишга қабул қилинади;
Барча бакалавриат таълим йўналишларига ҳужжат топширган ва миллий ёки халқаро сертификатнинг инглиз тили учун - миллий сертификат В2 ва C1 ёки International English Language Testing System (IELTS 5,5 ва ундан юқори), Test of English as a Foreign Language (TOEFL IBT 72 ва ундан юқори) халқаро имтиҳон тизимлари бўйича тилни билиш даражаларига эга бўлган абитуриентлар кириш имтиҳонларисиз суҳбат асосида ўқишга қабул қилинади;
Тест синовлари мажмуасига чет тили биринчи (асосий) бўлмаган фан сифатида киритилган бакалавриат таълим йўналишларига ҳужжат топширган ва миллий ёки халқаро сертификатнинг инглиз тили учун - миллий сертификат B1 ёки International English Language Testing System (IELTS 4,5-5,0), Test of English as a Foreign Language (TOEFL IBT 42-71) халқаро имтиҳон тизимлари бўйича тилни билиш даражаларига эга бўлган абитуриентларга ушбу фандан кириш имтиҳонларисиз белгиланган максимал балл берилади;
Халқаро ва республика олимпиадалари, танловлари ғолиблари тегишли таълим йўналишлари доирасида кириш имтиҳонларисиз грант асосида ўқишга қабул қилинади;
Ўзбекистон Республикаси ҳудудида фаолият олиб бораётган маҳаллий ёки хорижий ОТМларида таҳсил олаётган талабаларга Қўқон университетига ўқишларини кўчириб давом эттириш ёки ўқишдан четлатилган талабалар учун ўқишга қайта тиклаш имконияти берилади.
Тўлов-контракт миқдорлари:
Иқтисодиёт – 18.411.520 сўм
Менежмент – 18.411.520 сўм
Молия – 18.411.520 сўм
Тадбиркорлик – 18.411.520 сўм
Меҳмонхона ва туризимни бошқариш – 18.411.520 сўм
(Меҳнатга ҳақ тўлашнинг энг кам миқдорига нисбатан (634880 сўм) 29 баробари).
Мактабгача таълим – 17.141.760 сўм
Бошланғич таълим – 17.141.760 сўм
Хорижий тил ва адабиёти: инглиз тили – 17.141.760 сўм
(Меҳнатга ҳақ тўлашнинг энг кам миқдорига нисбатан (634880 сўм) 27 баробари.)
Хорижий фуқаролар учун – 2500 АҚШ доллари.
