"Темур тузуклари билимдони” танловининг республика босқичи

6-09-2019, 21:45
Жамият
"Темур тузуклари билимдони” танловининг республика босқичи
Куч тузилмаларига қарашли ҳарбий қисм ва муассасаларидаги ёш ходимлар ўртасида ўтказилган “Темур тузуклари билимдони” танловининг республика босқичида Фавқулодда вазиятлар вазирлигининг Ёнғин хавфсизлиги хизмати ходими фахрли 2-ўринни қўлга киритди.

Ўзбекистон Республикасининг Мудофаа, Ички ишлар, Фавқулодда вазиятлар вазирликлари, Милллий гвардия, Давлат хавфсизлик хизмати Чегара қўшинлари ва Давлат божхона қўмитасининг 2019 йил 15 июль кунидаги қўшма қарори асосида жорий йилнинг июль-август ойларида Ўзбекистон Республикаси Фавқулодда вазиятлар вазирлигининг Марказий аппарати, Ёнғин хавфсизлиги бош бошқармаси ҳамда Тошкент шаҳар Фавқулодда вазиятлар ва Ёнғин хавфсизлиги бошқармалари, шунингдек унинг қуйи тизимларидаги ёш ходимлар ўртасида “Темур тузуклари билимдони” танловининг саралаш ва ҳудудий босқичлари ўтказилди.

Мазкур танловнинг республика босқичи эса жорий йилнинг 5 сентябрь куни Ўзбекистон Ёшлар иттифоқи пресс-клубида ташкил этилиб, унда танловнинг ҳудудий босқичида ғолибликни қўлга киритган 14 нафар ёш ҳарбий хизматчилар ўзаро беллашдилар.

Танловнинг якуний босқичида “Амир Темур ва ҳозирги замон”, “Амир Темурнинг ҳарбий сабоқлари” ҳамда “Амир Темур ўгитлари билимдони” шартлари юзасидан ҳакамлар томонидан тақдим этилган саволлар бўйича иштирокчилар ўзларининг эгаллаган билимлари асосида синовдан ўтказилди.

Танлов натижаларига кўра, Жиззах вилояти ҳудудий босқич ғолиби, Ўзбекистон Республикаси Фавқулодда вазиятлар вазирлиги Ёнғин хавфсизлиги бош бошқармаси Жиззах вилояти Ёнғин хавфсизлиги бошқармаси Ахборот хизмати катта инспектори катта лейтенант Фаррух Абдурахманов фахрли 2-ўринни қўлга киритди.

Республикамиз миқёсида илк маротаба ўтказилган мазкур танлов ҳар томонлама қизиқарли ва баҳс-мунозаларга бой тарзда ўтди. Бу каби танловларнинг ўтказилиши ёш ходимларни китоб ўқишга бўлган қизиқиш ва интилишларини қўллаб-қувватлаш, миллий меросимизнинг тарихий илдизларини ўрганиш ҳамда таҳлил қилиш, буюк аждодларимиз ва жасур замондошларимизнинг ибратли ҳаётини ўрнак қилиш орқали ёшларда ватанпарварлик руҳини янада оширишда муҳим аҳамият касб этади.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Тошкентда 20-30 кишилик гуруҳ тўпланган ҳудудда 15 ёшли ўсмирнинг машинасидан пичоқ ва бошқа қуроллар топилди

Тошкентда 15 ёшли ўсмирнинг машинасидан пичоқ ва бошқа қуроллар топилди. Бу ҳақда пойтахт ИИББ хабар қилди. Маълум...
Бугун, 16:28

O`zLiDeP Президентимизнинг БМТ сессиясидаги нутқидан келиб чиқадиган чора-тадбирлар режасини белгилаб олди

2020 йилнинг 26 сентябрь куни O`zLiDeP Сиёсий Кенгаши Ижроия қўмитаси ва партиянинг Олий Мажлис Қонунчилик...
Бугун, 15:43

Самарқандда 57 млрд сўмга океанариум ва муз саройи қурилади

Самарқандда океанариум ва муз саройи қурилади. Бу ҳақда STV хабар қилди. Шаҳарда раҳбарлар Family Park лойиҳасини...
Бугун, 15:30

Саида Раметовани “ўлди”га чиқаришаётган бир вақтда актрисанинг ўзи мухлислари учун видеомурожаат йўллади

Саида Раметовани “ўлди”га чиқаришаётган бир вақтда актрисанинг ўзи мухлислари учун видеомурожаат йўллади. Аввалроқ...
Бугун, 11:31

Ўзбекистонлик олимлар коронавирусга қарши вакцина устида ишламоқда

Ўзбекистонлик олимлар коронавирусга қарши вакцина устида ишламоқда. Бу ҳақда ССВ хабар қилди. Вазирликнинг маълум...
Бугун, 11:16
/ Муҳокамалар +2