Ўзбекистон мусулмонлари идораси раиси, муфтий Усмонхон Алимов 11 сентябрь куни Тошкент вилояти Зангиота туманида қурилаётган «Салмон Форсий» жоме масжидига ғишт қўйиш маросимида иштирок этди.
Унда Усмонхон Алимов билан бирга Тошкент вилояти бош имом хатиби Хайруллоҳ домла ҳам ғишт қўяётгани кўрсатилган.
10 сентябрь куни Усмонхон Алимов диний идора раислигидан олингани, унинг ўрнига Тошкент вилояти бош имом хатиби Хайруллоҳ домла муфтий бўлгани ҳақида хабарлар тарқатилганди. Ўзбекистон мусулмонлари идораси бу хабарларни расман рад этган, деб ёзади "Дарё".
