Ургутда шифохона ёпилганлиги сабабли чақалоқ кўчада дунёга келди (+ВИДЕО)

20-09-2019, 17:04
Жамият
Ургутда шифохона ёпилганлиги сабабли чақалоқ кўчада дунёга келди (+ВИДЕО)
Ургутнинг овлоқ кўчаларида, тунги соат 02.00да чақалоқ дунёга келди, дея хабар қилди "Хабар.уз".

Манба сайтида Ургутда кўчада туғилган чақалоқ ҳақида ёзилган. Қуйида уни ҳавола этамиз.

Бу чақалоқнинг исми Жўрабек. У 2019 йилнинг 3 июнида Ургут туманидаги Бешбулоқ қишлоғида туғилган.

Жўрабек Ўзбекистондаги минглаб тенгдошларидан фарқли ўлароқ йўлда, кўчада туғилди. Чунки у яшаётган ҳудуддаги шифохона беш йил муқаддам ёпилиб кетди.

Жўрабек Ургутнинг овлоқ кўчаларида, тунги соат 02.00да туғилган.

Сифатли тиббиёт ва доя назоратисиз туғилган болаларда нобуд бўлиш ёки касалманд бўлиб қолиш ҳолати кўп учрайди. Айни вақтда шифохонасиз қолган ҳудудда юзлаб ҳомиладор аёллар бор.

Самарқанд вилояти, Ургут туманидаги «Ибн Сино» номли 3-сонли шифохона 60 минг аҳолига хизмат кўрсатар эди. Муассасадаги туғруқхона 20 ўрин, болалар бўлими эса 30 ўринга эга бўлган.

Гинекология ва терапия бўлимларида 40 дан ортиқ бемор бир вақтнинг ўзида даволаниши мумкин бўларди. Реанимация бўлими эса оғир ҳолатдаги беморларга зудлик билан ёрдам кўрсатиш даражасида жиҳозланганди.

Шифохонага Жўробтепа, Қиёнли, Эшонработ, Бешкапа, Бекработ, Замбарак, Жозмон, Мирзақишлоқ, Вағашти, Сариқтепа, Камонгарон, Нисавот ва Ипакли қишлоқлари аҳолиси мурожаат қиларди. Энди улар 20 километр масофага қатнашга мажбур.

Ургут туман марказидаги шифохонага етиб боргунга қадар беморлар мана шу йўлдан юришга мажбур. 20 километр масофадаги йўл соғ одамни ҳам касал қиладиган даражада ўйдим-чуқурлардан иборат.
Беморларни гапирмаса ҳам бўлади.

Жўрабек энди 3 ойлик бўлди. У улғайиб, Ўзбекистонга, элига, юртига хизмат қиладиган, баркамол инсон бўлиб вояга етиши учун сифатли тиббиёт керак.

Аммо аҳвол шу таҳлит қолаверса, Жўрабек ҳам, у каби минглаб бошқа болалар ҳам турли муаммолар гирдобида улғайишга мажбур.

ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Ўзбекистонда фуқаро коронавирус белгилари пайдо бўлганига қарамай, 2 апрелгача шифокорларга мурожаат қилмаган

Бу ҳақда Давлат бош санитария инспектори Нурмат Отабеков маълум қилди. Унинг айтишича, фуқаро аҳволи ёонлашган...
Бугун, 11:46

«Ота-онамнинг юзини ерга қаратдим» – Instagram’даги «зўравон»лар ушланди ва қилган ишидан пушаймон бўлди

Аввалроқ тармоқларда Instagram’даги жонли эфир вақтида уларни кузатаёганларга нисбатан ҳақоратли сўзлар айтиб, таҳдид...
Бугун, 11:34

ИИВ Тергов департаменти «Тарона Рекордс» асосчиси Равшан Йўлдошев вафоти муносабати билан таъзия билдирди (ВИДЕО)

ИИВ ҳузуридаги Тергов департаменти «Тарона Рекордс» асосчиси Равшан Йўлдошев вафоти муносабати билан таъзия билдирди....
Бугун, 00:28

Лола Йўлдошева: Туғилган кунингиз билан отажон! Сизни яхши кўраман менинг қаҳрамоним (ФОТО)

Хонанда Лола Йўлдошева инстаграмдаги саҳифасида вафот этган отасини таваллуд айёми билан табриклади. “Дадажон. Менинг...
Кеча, 22:56
/ Муҳокамалар +4

"Севги изтироби" сериалини эфирга узатиш яна тўхтатилди

Хабарингиз бор аввалроқ кўплаб танқидлардан сўнг Туркиянинг "Севги изтироби" сериали "Zo'r TV" телеканалида эфирга...
Кеча, 22:24
/ Муҳокамалар +19