Навоийда “Тинчлик учун” халқаро хайрия акцияси кўтаринки руҳда ўтказилмоқда

21-09-2019, 21:02
Жамият
Навоийда “Тинчлик учун” халқаро хайрия акцияси кўтаринки руҳда ўтказилмоқда
Жорий йилнинг 20 сентябрь куни Ўзбекистон ёшлар иттифоқи Навоий вилоят Кенгаши ҳамда шаҳар Кенгаши ҳамкорлигида Навоий шаҳар “Ёшлар маркази”да “Эзгуликка ҳиссангни қўш!” шиори остида “Тинчлик учун” халқаро хайрия акцияси ташкил этилди.

Ушбу акциянинг ташкил этилишидан асосий мақсад Афғонистон Ислом Республикасида яшовчи ота-она қарамоғисиз қолган, оғир шароитларда яшаётган этник ўзбеклар ёшларининг муаммоларига кенг жамоатчилик эътиборини қаратиш ҳамда уларни қўллаб-қувватлашдан иборат.

Акцияда Навоий шаҳри Мудофаа вазирлигига қарашли сафарбарлик чақирув резерви батальонининг 400 нафардан ортиқ ҳарбий хизматчилари, умумтаълим мактабларининг бошланғич ташкилот етакчилари ҳамда ўқувчилари иштирок этди. Шунингдек, акция доирасида китоблар кўргазмаси, концерт дастури ташкил этилди.

Хайрия акцияси натижасида кўнгиллилар томонидан 60 дона лотин графикасидаги ўзбек тилидаги бадиий адабиёт намуналари, ўқув дарсликлари ва 40 дона ўқув қуроллари ҳадя қилинди.

– Бугунги ўтказилган хайрия акциямиз кўтаринки руҳда ташкил этилди. Ҳарбий хизматчиларимиз ва ёшларимизнинг акцияда ихтиёрий равишда бадиий адабиётлар ҳамда ўқув қуролларини тақдим этишгани барчамизни қувонтирди. Бундан кўриниб турибдики, вилоятимиз ёшлари қўшни давлат Афғонистон ёшларини ҳамиша қўллаб-қувватлайди ва уларнинг чеҳраларига табассум ҳадя этишда ўзларининг беминнат ҳиссасини қўшади. Чунки, қай юртда яшамайлик, биз бир авлод фарзандларимиз, – дейди Ёшлар иттифоқи вилоят Кенгаши ходими Феруза Бақоева.
Акция доирасида келиб тушган барча мулклар Ўзбекистон Республикасининг Афғонистон Бош консулхонаси ёрдамида “Ўзбекистон темир йўллари” акциядорлик жамияти орқали Афғонистон Ислом Республикасига жўнатилади.

Ўзбекистон ёшлари умумжаҳон ассоциацияси ташаббуси билан ўтказилаётган “Тинчлик учун” халқаро хайрия акцияси Республикамизнинг барча вилоятларида давом этмоқда.

Ўзбекистон ёшлари умумжаҳон ассоциацияси

ахборот хизмати
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Марказий банк янги валюталар курсини эълон қилди

Марказий банк янгиланган валюталар курсини эълон қилди. Унга кўра, доллар ва евро кўтарилган, рубль эса бироз...
Бугун, 12:40

Тошкентда тунги клубдан чиққан йигитлар пичоқлашишди. Икки нафар фуқаро ҳалок бўлди

Тошкент шаҳри Юнусобод туманида тунги клубдан чиққан йигитлар пичоқлашишди. Бу ҳақда Бош прокуратура хабар қилди....
Бугун, 12:09

Ўқитувчи томонидан АҚШ пойтахти Нью-Йорк эканлиги айтилган онлайн-дарс бўйича ХТВ муносабат билдирди

Онлайн дарс вақтида ўқитувчи томонидан йўл қўйилган хато юзасидан Халқ таълими вазирлиги муносабат билдирди. Дарсда...
Бугун, 10:37
/ Муҳокамалар +1

Ўктам Барноевнинг ўлими юзасидан қўшимча маълумотлар эълон қилинди

Аввалроқ Ўзбекистон бош вазири ўринбосари Ўктам Барноев вафот этгани ҳақида хабар берган эдик. Барноев 56 ёшида оламдан...
Бугун, 10:22

Паркент туман ҳокимлиги Каптивани ҳокимнинг ўғли раҳбарлик қиладиган фирмадан сотиб олган

Аввалроқ Паркент туман ҳокимлиги Каптива автомашинасини сотиб олгани ҳақида ёзган эдик. Автомобиль 260 млн сўмга харид...
Кеча, 17:27
/ Муҳокамалар +3