Ўзбекистон «Миллий тикланиш» демократик партияси ташаббуси билан ўтказилаётган қатор лойиҳалар бугун жуда кўплаб ёшларни ўз атрофига жамлаб иқтидор ва қобилиятларини намоён этишларида, касб-ҳунар ҳамда билим эгаллашларида муҳим аҳамият касб этмоқда.
Партиянинг Қоракалпоғистон Республикаси кенгаши томонидан ташкил этилган «Хизмат – беминнат» лойихаси доирасида жорий йилнинг бошидан 40 та ўқув-курслари ташкил этилиб, ушбу курсларда 224 та ёшлар беминнат билим олдилар ва олмоқдалар.
Лойиҳа доирасида таълим олган 26 нафар ўқувчи олий таълим муассасаларига ўқишга киришга муваффақ бўлди. Элликқалъа туманидан 4 та ўқувчи шартнома асосида, Қораўзак туманидан 4 та ўкувчи - 1 та грант 3 та шартнома асосида, Қўнғирот туманидан 2 та шартнома, Тахтакўпир туманидан 1 шартнома ва Амударё туманидан 2 грант ва 12 шартнома асосида ўқишга қабул қилинди.
- Мен партия Амударё туман кенгаши томонидан лойиҳа доирасида ташкил қилинган ўқув курсида ўз билимларимни мустаҳкамлаб, мана бугунги кунда талаба бўлдим, - дейди Елмуратова Зухра. Албатта бунинг учун менга катта ёрдам берган устозларим ва партия вакилларига ўз миннатдорчилимни билдираман.
Лойиҳа давом этмоқда. Зеро, ёшларни ҳар томонлома қўллаб-қувватлаш Ўзбекистон «Миллий тикланиш» демократик партиясининг устувор вазифаларидан биридир, дейилади партия матбуот хизмати хабарида.
