O‘zLiDeP вакили суперконтракт масаласида “Миллий тикланиш” ДП нега жимлигини сўроққа тутди

24-09-2019, 12:18
Жамият
O‘zLiDeP вакили суперконтракт масаласида “Миллий тикланиш” ДП нега жимлигини сўроққа тутди
O‘zLiDeP Сиёсий Кенгаш Ижроия қўмитаси котибият мудири, Экспертлар гуруҳи раҳбари Нуриддин Муродов таълим масаласидаги жимжимадор чиқишлари билан туну кун бонг ураётган, ўзларини таълим-тарбия масалаларининг “жонкуяри” қилиб кўрсатишга зўр бериб уринаётган Ўзбекистон “Миллий тикланиш” ДП супер-контрактлар масаласида нега сукут сақлаётганини танқид қилди.

"Олий ва ўрта махсус таълим вазирлиги супер-контрактлар ҳақида қўшимча расмий маълумотларни эълон қилди.

Унга кўра 2019/2020 ўқув йили 4 баллгача етмаганлар супер-контрактни қуйидаги миқдорда тўлашармиш.

Жумладан, 1 баллгача етмаган абитуриентлар учун - 1,5;1.1 баллдан 2 баллгача - 2,0 баробар; 2.1 баллдан 3 баллгача етмаганлар учун - 2,5 баробар, 3.1 баллдан 4 баллгача етмаганлар учун - 3,0 баробар баробар белгиланди. Кириш баллига 4 баллдан ортиқ етмаган, лекин 56,7 дан кўп балл тўплаган абитуриентлар учун супер-контракт миқдорлари 10 ва 15 баробар юриспруденция йўналишида эса — 25 баробар, яъни 229 млн. 184 минг сўм. Тиббиёт йўналишиники — 20 баробар, яъни 170 млн. 649 минг сўмни ташкил этмоқда.

Ҳақли савол туғилади. Айни пайтда мамлакатимизда энг кам ойлик иш ҳақи 223 000 сўм бўлгани, ўртача ойлик иш ҳақи 2019 йил январь –июнь ойларида 2,092 миллион сўмни ташкил этиб турган бир пайтда супер-контракт миқдорининг бундай юқори даражада ҳисобланиши қайси мезонларга тўғри келади ёки қайси мантиққа таянган ҳолда бундай қарорга келинди?

Нега вазирлик аҳолининг бу борадаги фикрларини инобатга олмади? Хўп, аҳолининг талаби қизиқтирмас экан, нега сиёсий партиялар ва депутатлар билан ушбу масала муҳокама қилинмади, уларнинг таклифлари олинмади.

Бу борада йил давомида ЎзЛиДеП аъзолари – қуйи палата депутатлари - Абдурашид Абдуқодиров, Расул Кушербаевларнинг эътироз ва баёнотлари эътиборсиз қолдирилди.
Бу ҳам майли. Айни таълим масаласидаги жимжимадор чиқишлари билан туну кун бонг ураётган, ўзларини таълим – тарбия масалаларининг “жонкуяри” қилиб кўрсатишга зўр бериб уринаётган Ўзбекистон “Миллий тикланиш” ДП нега сукут сақламоқда?

Бугун ушбу сиёсий партия бу борада фақат чиройли чиқишлар-у, баёнотлар билан чекланмасдан, аслида мана шундай жамият ва унинг келажаги бўлмиш ёшлар тақдирига бевосита таъсир қиладиган масалаларда нега қатъий позициясини кўрсатмасдан, жим туришни маъқул кўрмоқда?

Фикримизча, улар биринчилардан бўлиб бу масалага холис фикр билдиришлари ва аниқ позицияларини намойиш этишлари керак эди! Лекин, улар бу оғриқли масалада сукут сақлаш йўлини танлашди. Балки, уларнинг наздида бу тўғридир.

Шу ўринда асосий масалага ўтсак.

ЎзЛиДеП Олий ва ўрта махсус таълим вазирлигидан қуйидагиларга изоҳ сўрайди.

Биринчидан, табақалаштирилган тўлов-контракт миқдорлари қайси бир мезон асосида ишлаб чиқилган?

Иккинчидан, табақалаштирилган тўлов-контракт миқдорларини белгилашга амалдаги қонун ҳужжатларига кўра, вазирликда ваколат борми?

Учинчидан, ўқув йилининг биринчи ярми учун камида 50 фоиз контракт тўлови жорий йилнинг 1 ноябрига белгиланган бўлсада, тўлов- контракт асосида талабаликка тавсия этилган абитуриентлар учун тўлов ҳақини ўтказиш ҳамда талабалар сафига қабул қилишни расмийлаштиришнинг сўнгги муддати 2019 йилнинг 15 октябри этиб белгиланиши мантиқан тўғрими?

Нафақат ЎзЛиДеПни балки, бутун халқимиз, айниқса ёшларни юқоридаги саволлар қийнаяпти десак хато бўлмайди. Шу маънода вазирлик ушбу масалаларга қисқа фурсатда изоҳ берилади. Ўзбекистон МТДП эса, қуруқ баёнотлардан амалий ишларга ўтиб, бугуннинг долзарб мавзуси бўлган супер-контракт деган масалага ўз муносабатини, позициясини билдиришига фақатгина умид қилишдан бошқа чорамиз йўқ. Агар партия шундан кейин ҳам “жим” туришни афзал билса, буни ҳам “тўғри” тушунамиз.

Олий ва ўрта махсус таълим вазирлигидан эса бу масалада аниқ жавоб кутамиз."

Нуриддин МУРОДОВ,

O‘zLiDeP СКИҚ котибият мудири,

Экспертлар гуруҳи раҳбари
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Шаҳрисабздаги карвон-саройда ташкиллаштирилган беҳаё рақс ижтимоий тармоқ фойдаланувчилари томонидан кескин танқид қилинди

Шаҳрисабздаги кўп асрлик тарихга эга карвон-саройда ташкиллаштирилган беҳаё рақс ижтимоий тармоқ фойдаланувчилари...
Кеча, 17:19

"Эл Класико"нинг санаси маълум бўлди

Испания Ла Лигасининг 10 тур доирасидаги "Барселона" ва "Реал" клублари ўртасидаги ўйин 26 октябр санасида бўлиб ўтиши...
Кеча, 15:10

Қўлга олинган туман ҳокимининг уйидан 1,5 млн. доллар ва авиачипта топилган – ОАВ

Аввалроқ сайтимизда Юнусобод тумани ҳокимнинг қурилиш ишлари бўйича ўринбосари З.Э 5000 доллар пора билан қўлга...
Кеча, 11:59
/ Муҳокамалар +1

Намангандаги тергов ҳибсхонасида маҳкума вафот этди

Кеча, 22 октябрь куни Намангандаги тергов ҳибсхонасида маҳкума Шохиста М. вафот этди Маълум бўлишича, соат 02:30лар...
Кеча, 11:45
/ Муҳокамалар +1

Видео: ДХХ 600 минг долларнинг чегарадан ноқонуний олиб чиқиб кетилишининг олдини олди

ДХХ ходимлари 600 минг долларни чегарадан ноқонуний олиб чиқиб кетмоқчи бўлган шахсни қўлга олди. Бу ҳақда EVERYDAY.UZ...
Кеча, 11:34