Тошкент метросидаги оддий халққа нисбатан бўлган бехурматлик хамда беэътиборлик қачон тугайди, деб ёзади фейсбукдаги "Халқ билан мулоқот гуруҳида" "Алишер Цветкофф" номи остидаги фойдаланувчи. У шунингдек, ўз постида эрта тонгдан кассада ишлайдиган ходимларнинг сустлигини ҳам кескин танқид қилган.
"Эрталабки "час пик", хамма ишга, ўқишга шошаётган бир пайт, кассада фақат битта кассир бемалол шошмасдан пулни гулини гулга қўйиб, жетон сотаяпти. Кассасини ичи анча катта, 3 та кассир сиғадиган жой бор, хаммаси хеч бўлмаса шу эрталаблари ва кечаси "час пик" пайти ўтириб сотса бўладику жетонини, халқни асабини қийнамай!
Нега биз халққа ноқулайликлар туғдиришни яхши кўрамиз? Кўчада 21 аср, хамма жойда инновация, автоматлаштирилган тизим бўлган бир пайтда, халиям узун навбатда туриб, пулга жетон олиб тешикчага тиқиб ўтиб юрибмиз!" - деб ёзади фойдаланувчи.
