Бухоронинг Когон туманида мактаб ўқувчилари пахта теришга жалб қилинган.
"Дарё"нинг "Репост"га таяниб хабар қилишча тумандаги 15 сонли мактабнинг ўқувчилари туман ҳокими ҳамда Когон тумани халқ таълими бошқармаси кўрсатмаси билан пахта теришга жалб қилинган.
Маълум бўлишича тумандаги «Алиноз Шергиноз» ва «Барно Баҳром» фермер хўжаликлариники бўлган пахта даласида 13 нафар бешинчи ва ундан юқори бўлган синф ўқувчилари пахта теришган. Улар асосан дам олиш кунлари чиқарилаётгани маълум бўлган. Шунингдек, "Репост" мухбирларининг ўзи 1 октябрь санасида 17 нафар болаларнинг пахта тераётганига гувоҳ бўлган.
Ҳозирча воқеага расмий изоҳ берилгани йўқ.
