Соғлиқни сақлаш вазирлиги: Сергелидаги чақолоқнинг вафотига эмлаш сабаб бўлмаган

22-11-2018, 16:04
Жамият
Соғлиқни сақлаш вазирлиги: Сергелидаги чақолоқнинг вафотига эмлаш сабаб бўлмаган
Тошкентнинг Сергели туманида стандарт вакцина олганидан кейин бир неча кун ўтиб, икки ойлик чақалоқ вафот этди. Боланинг онаси ўғлининг ўлимига шифокорларнинг совуққонлиги сабабчи бўлганини айтмоқда.

“Халқ сўзи online” ушбу ҳолат бўйича Соғлиқни сақлаш вазирлигининг маълумотини эълон қилди. Қуйида манба тарқатган хабарнинг тўлиқ матнини ҳавола этамиз.

Сергели туманида яшовчи Э. Х. фарзандининг вафоти юзасидан Тошкент шаҳар соғлиқни сақлаш бош бошқармасининг мутахассислари томонидан текширув олиб борилди. Унда Э.Х.нинг фарзандига эмлашнинг тўғри қилинганлиги, унинг стандартларга мослиги, миқдори ва муддати каби жиҳатлари ҳам чуқур ўрганиб чиқилди.

Соғлиқни сақлаш вазирлиги Ахборот хизмати хабарига кўра, бола 2018 йил 24 августда Сергели тумани 10-оилавий поликлиникада болалар шифокори Н. Расулова томонидан тиббий кўрикдан ўтказилган ва режа асосида 2 ойликдаги эмлашга рухсат берилган. Ўша куни боланинг онаси Э.Х фарзандига полиомиелит ва пневмококкга қарши вакциналарни олган. Эмлаш махсус рухсатномаси бўлган ҳамшира М. Саликова томонидан амалга оширилган.

Орадан икки кун ўтиб, яъни 26 август, соат 11.00ларда боланинг тана ҳарорати 38,5 даражага кўтарилгани кузатилганлиги учун тез ёрдам чақирилган ҳамда беморга биринчи тиббий ёрдам кўрсатилиб, 3-шаҳар болалар клиник шифохонасига олиб борилган. Невропатолог шифокор Ш.Насруллаев тиббий кўрикдан ўтказиб, “Талваса синдроми. Соматоген асосланган. Бош мия шиш хавфи” ташхиси қўйилиб, муолажа қилинган. Аммо 28 август куни соат 19.30да бола аҳволи оғирлашавергач Республика Шошилинч тиббий ёрдам илмий маркази (РШТЁИМ)нинг болалар реанимацияси бўлимига ўтказилган. Болага керакли даво чораларикўрсатилишига қарамай, бемор 30 август куни соат 24.00да марказда вафот этган.

Мутахассисларнинг хулосасига кўра, боланинг ўлимига эмлаш сабаб бўлмаган.

“24 август куниСергели туманидаги 10-оилавий поликлиникадажами 128 нафар бола эмланган. Ўтказилган таҳлиллар нафақат ушбу болада, балки эмланганларнинг бирортасида ҳам эмлашдан сўнг юз бериши мумкин бўлган нохуш холатлар кузатилмаганлигини кўрсатди. Таъкидлаш жоизки, мамлакатимизда ҳар ойда 2 ярим миллион нафар бола миллий эмлаш календари асосида вакциналар билан эмланади ва уларнинг эмлашдан кейинги ҳолати доимий равишда ўрганиб борилади. Энг муҳими, юртимизда шу пайтгача ушбу вакциналар билан боғлиқ салбий ҳолатлар бирор марта бўлса-да, рўйхатга олинмаган. Жумладан, полиомиелит ва пневмококк вакциналарига умуман тиббий чеклов йўқ, улар ўлим билан боғлиқ асоратларни умуман келтириб чиқармайди. Бу Жахон соғлиқни сақлаш ташкилотининг нуфузли экспертлари томонидан ўтказилган илмий тадқиқотларда ҳам исботланган”, – дейди Соғлиқни сақлаш вазирлиги Санитар эпидимиология назорати бош бошқармаси бошлиғи Дилмурод Мирзабоев.

Бундан ташқари, эмлаш ишларини амалга оширишда фойдаланиладиган, жаҳон тиббиёти амалиётида кенг қўлланилаётган самарали эмлаш воситалари БМТнинг Болалар фонди – ЮНИСЕФ ва бошқа халқаро ташкилотлар сертификати асосида мамлакатимизга олиб келиниб, тегишли тартибда қайта тиббий-лаборатор синовлардан ўтказилади. Улар Соғлиқни сақлаш вазирлиги томонидан сертификат билан кафолатланади ва совуқлик занжири тизимига риоя этилган ҳолда жойлардаги эмлаш пунктларига етказилади. Эмлаш муолажалари шаҳар ва туманларда аҳолига бириктирилган оилавий поликлиника, чекка жойларда эса қишлоқ оилавий поликлиникаларида малакали шифокор кўригидан ўтилгач, махсус ўқитилиб, тегишли рухсатнома олган ҳамширалар томонидан бепул амалга оширилади.

Куни кеча пойтахтимизда ташкил этилган “Барқарор ривожланиш мақсадлари даврида Ўзбекистонда соғлиқни сақлашни ислоҳ қилиш” мавзусида халқаро конференцияда ҳам Жаҳон соғлиқни сақлаш ташкилотининг Европа минтақавий бюроси директори Жужанна Якаб юртимиздаги эмлаш борасида саъй-ҳаракатларни юксак баҳолади. Иммунизация ёки вакцинация борасидаги ишларга қаратилаётган эьтибор, ҳаттоки, Европанинг ривожланган мамлакатларида ҳам амалга оширилмаганини айтиб ўтди. Шундай экан, соғлом фарзанд тарбиясига масъул ҳар бир ота-она эмлаш календарида кўрсатилган муддатлардан кечиктирмай фарзандларини эмлатишлари зарур.

Юқоридаги вазият, яъни боланинг вафоти юзасидан тиббиёт ходимларининг хатти-ҳаракатлари, болага ташхис қўйиш ва даволаш жараёни вазирлик мутахассислар ҳамда ҳуқуқ-тартибот органлари томонидан чуқур ўрганилмоқда.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Озода Нурсаидованинг уйи бузиб ташланди

Аввалроқ хонанда Озода Нурсаидованинг тоби қочгани, юрак хасталиги билан шифохонага ётқизилгани ҳақида хабарлар...
18-02-2019, 22:28

Бухорода ароқхўр онасидан безган болалар ўзларини Меҳрибонлик уйига жойлаштиришларини сўради

Бухоро шаҳридаги 21-умумий ўрта таълим мактаби ўқувчилари ака-ука Андрей Раҳматов ҳамда Александр Заимкин ароқхўр онаси...
17-02-2019, 19:23
/ Муҳокамалар +1

Москвадаги ўн нафар ўзбекистонлик иштирокидаги муштлашувда икки киши ҳалок бўлди

Москва жануби-шарқида ўн киши иштирокида муштлашув бўлиб ўтди, унда икки киши ҳалок бўлди, деб хабар қилди "Дарё"....
17-02-2019, 19:11

Тошкентда тўрт нафар маст эркак милиция ходимини шафқатсизларча калтаклади

2019 йил 15 феврал куни соат тахминан 20: 30 ларда Тошкент шаҳридаги «Каримбек» кафесида Қашқадарёдан пойтахтга ташриф...
17-02-2019, 18:52
/ Муҳокамалар +2

Тошкентда 8-синф ўқувчиси ҳомиладор бўлиб қолди

Тошкентдаги мактаблардан бирининг 8-синфида ўқийдиган 14 ёшли қиз 2018 йил декабрь ойида ўзи яшайдиган хонадонда 2000...
17-02-2019, 00:04
/ Муҳокамалар +2