Эътибор берганмисиз? 200 сўмликнинг янгиси 5000 сўмликка ўхшаб кетаркан

22-11-2018, 16:15
Жамият
Эътибор берганмисиз? 200 сўмликнинг янгиси 5000 сўмликка ўхшаб кетаркан
Мухбир Нигора Раҳмонова айнан шу мавзуга бағишланган қизиқарли мақола тайёрлабди. Қуйида мухбир томондан ҳаётий воқеалардан мисоллар келтириб ўтилади.

Пул кундалик ҳаётимизда энг зарур муомала воситаси. Ҳатто ҳаёт-мамот масаласи, десак хато бўлмайди. Ҳар ким уни ўзича қадрлайди. Кимдир ишхонасидаги сейфда сақласа, кимдир ёстиғининг остига беркитиб қўяди. Айримлар янги ва йирик пулларни алоҳида, ҳеч кимнинг кўзи тушмайдиган жойда асраса, эскирган, муомалага яроқсиз, майдароқ пулларни кундалик эҳтиёжига атаб, чўнтагига солиб юради. Хуллас йирикми, майдами, эскими, янгими пулнинг бўлгани яхши-да. Мабодо бўлмай қолса-чи? Айрим азаматлар бунинг ҳам чорасини топишибди.

Куни кеча дорихонага кириб, сотувчининг мириқиб кулаётганининг устидан чиқиб қолдим. Қўлига 5000 ҳамда 200 сўмлик пулни ушлаб олган. “Ҳозиргина чиқиб кетган мижозим, боплаб чув туширибди, —деди сотувчи изоҳ бераркан. Ўн минг сўмга дори олди. Қўлимга пулни тутқазди, мен дорини бердиму, пулларни санамасдан, стол устига қўйдим. Мижоз кетганидан сўнг пулни очиб қарасам, беш минг сўмлик пулнинг ичига икки юз сўмликни ўраб қўйибди. Яхшилаб эътибор бериб қарасам, 200 сўмликнинг янгиси 5000 сўмликка ўхшаб кетаркан.

Пойтахтимиздаги Қўйлиқ бозорига тушиб ҳам худди шунга ўхшаш воқеанинг гувоҳи бўлдик. Сотувчи билан икки килограмм олмани ўн минг сўмга келишдим. Олмани тарозига қўйгач, иккита беш минг сўмликни тутқаздим. Сотувчи амаки пулларни қўлига олиб, уёқ бу ёғини яхшилаб текширгач, сўнг чўнтагига солиб қўйди. “Ўтган куни бир шоввоз беш мингталикни ўрнига икки юз сўмликдан иккитасини ташлаб кетибди,— деди у. — Кеч тушиб қолгани учун пулларга яхшилаб эътибор бермабман. Уйга бориб, савдодан тушган пулларни санасам, ўн минг сўм кам чиқди. Илгари пулнинг ранги, қанчалигига эътибор бермасдим. Шундан буён 200 сўмликдан чўчиб қолдим.

Хуллас, зарар кўрмай десангиз, пул олди-бердисида хушёр бўлинг.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Ўзбекистонда Аи-100 маркали бензин сотила бошланди (фото)

Россиянинг «Татнефть» компанияси Тошкентдаги илк автомобилларга ёқилғи қуйиш шохобчаси (АЁҚШ)ни 20 сентябрь куни очди....
Бугун, 23:15

Навоийда “Тинчлик учун” халқаро хайрия акцияси кўтаринки руҳда ўтказилмоқда

Жорий йилнинг 20 сентябрь куни Ўзбекистон ёшлар иттифоқи Навоий вилоят Кенгаши ҳамда шаҳар Кенгаши ҳамкорлигида Навоий...
Бугун, 21:02

Видео: Тошкентда тўппонча билан босқинчилик қилган ёшлар қўлга олинди

Жорий йилнинг 12 сентябридан 13 сентябрга ўтар кечаси Тошкентда бир нафар номаълум шахс жиноий иш содир этаётганда ИИВ...
Бугун, 17:32

«Дабдабали тўй қилаётганларни ОАВ орқали кўрсатиб, бутун халқ олдида шарманда қилиш керак» – Иқбол Мирзо

Хабар берганимиздек, кеча 20 сентябрь куни, Олий Мажлис Сенатида “Тўйлар, оилавий тантаналар, маърака ва маросимлар...
Бугун, 11:24
/ Муҳокамалар +5

ДХХ Ўзбекистон - Қозоғистон чегара постида жиноий гуруҳдан жабр кўрганлардан алоқага чиқишни сўрамоқда

Давлат хавфсизлик хизмати Ўзбекистон - Қозоғистон чегара постида жиноий гуруҳдан жабр кўрганлардан алоқага чиқишни...
Бугун, 10:31
/ Муҳокамалар +1