ССВ «Панграф» ўрнига «Ролиграф» дори воситаси берилганига муносабат билдирди

12-10-2019, 14:20
Жамият
ССВ «Панграф» ўрнига «Ролиграф» дори воситаси берилганига муносабат билдирди
Соғлиқни сақлаш вазирлиги вакиллари ижтимоий тармоқларда тарқалган «Соғлиқни сақлаш вазирлиги берган бепул дорилар беморлар аҳволини оғирлаштирмоқда» видеоматериалидаги мурожаатчилар билан учрашди. Бу ҳақда «Дарё» хабар берди.

Мурожаатда буйраги трансплантация қилинган бир гуруҳ мурожаатчилар аввал истеъмол қилиб келган «Панграф» ўрнига «Ролиграф» дори воситасининг берилаётгани, ушбу дори воситасидан хавфсирашаётгани айтиб ўтилган эди.

Мавзуга доир: Бепул берилган дорилардан аҳволи оғирлашган беморлар Соғлиқни сақлаш вазирлигига шикоят қилиб келди (видео)
Ушбу ҳолат юзасидан Соғлиқни сақлаш вазирлиги раҳбарияти ва мутахассислари шикоят билан келган беморлар билан учрашган ва тушунмовчиликлар ўрганилган.

Соғлиқни сақлаш вазирлиги бош трансплантологи Улуғбек Йўлдошевнинг айтишича, айни пайтда беморларга берилаётган «Ролиграф» дори воситасининг таркиби ва таъсир этувчи моддаси «Панграф» дори воситаси билан бир хил. Шунингдек, «Панграф», «Програф», «Такролимус» дори воситалари суткасига икки марта қабул қилинган бўлса, улардан фарқли ўлароқ «Адваграф» ва «Ролиграф» дори воситалари таъсири узайтирилган бўлиб, улар суткасига бир марта қабул қилинади ва мазкур дори воситаларини ўз вақтида ва белгиланган миқдорда истеъмол қилиш тавсия этилади.

«Ушбу дори воситалари зарур ишлаб чиқариш амалиёти – GMP талабларига мувофиқ ишлаб чиқарилган бўлиб, ўз давлатида ва бошқа хорижий давлатларда рўйхатдан ўтказилиб, тиббиёт амалиётида қўллашга рухсат этилган. Шу ўринда унутмаслик керакки, ҳар бир дори воситаси GMP, яъни халқаро талабларга мувофиқ ишлаб чиқарилдими, демак, унга нисбатан шубҳа бўлиши ноўрин ҳисобланади. Қолаверса, Соғлиқни сақлаш вазирлиги тасарруфидаги даволаш профилактика муассасаларида беморларни зарур дори воситалари билан таъминлаш «Давлат харидлари тўғрисида»ги қонунга асосан очиқлик ва шаффофлик тамойиллари асосида амалга оширилади», — дейилади хабарда.

Қўшимча қилинишича, ҳозирги кунда Ўзбекистонда буйрак ва жигар кўчириб ўтказилган 620 нафар бемор рўйхатда бўлиб, улардан 590 нафар бемор «Такролимус» ва «Микофенолат мофетил» препаратлари билан давлат томонидан бепул таъминланмоқда. Бундан ташқари, дори воситаларини ўз вақтида беморларга етказиб бериш қатъий назоратга олинган.

Маълумотда айтилишича, айни пайтда юқорида қайд этилган дори воситаларини қабул қилган айрим беморлардан келиб тушган мурожаатлар Соғлиқни сақлаш вазирлиги мутахассислари томонидан чуқур ўрганилиб, таҳлил қилинмоқда. Ўрганиш якунлари бўйича батафсил маълумот эълон қилинади.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Андижонда юк машинаси икки нафар қизалоқни босиб кетиб, хонадонга бориб урилди

Андижонда юк машинаси икки нафар қизалоқни босиб кетиб, хонадонга бориб урилди. Бу ҳақда ҳуқуқ тартибот органлари хабар...
Кеча, 23:47

Тошкент ИИББ пойтахт марказида йигитлар иштирокидаги муштлашувни назоратга олди

Аввалроқ сайтимизда Тошкент марказида электрошокер ва пичоқ билан қуролланган йигитлар иштирокида муштлашув бўлгани...
Кеча, 23:39

Видео: Тошкентдаги тўйда пул ёмғирдек сочилди

Тошкентдаги тўйда пул ёмғирдек сочилди. Тўй видеолавҳаси тармоқларда тарқалди. Видеода куёвнинг дўстлари келин-куёв...
Кеча, 23:32

Шуҳрат Ғаниевнинг матбуот котиби ишдан бўшади ва шифохонага ётқизилди

Шуҳрат Ғаниевнинг матбуот котиби шифохонага ётқизилди. Бу ҳақда Муҳаммаджон Обидовнинг ўзи фейсбукда маълум қилди....
Кеча, 18:58
/ Муҳокамалар +2

Андижонда шериклари билан тадбиркорни хотинининг кўз ўнгида отиб ўлдирган эркакка ҳукм ўқилди

Андижонда бундан 13 йил аввал турли хил жиноятларни содир этган эркак ушланиб, унга ҳукм ўқилди. Бу ҳақда Андижон...
Кеча, 16:25
/ Муҳокамалар +2