Аввалроқ риштонлик блогер Дима Қаюм аёллар томонидан "самосуд" қилингани ҳақида ОАВда хабарлар тарқалган эди. Воқеага блогернинг Риштондаги бозорда кутубхона қураётгани сабаб бўлган. Ўшанда кутубхонага рамзий ғиштни сенатор Иқбол Мирзо қўйиб кетган эди.
"Дарё"нинг хабар қилишича блогерни "самосуд" қилган аёллар маъмурий жавобгарликка тортилган (аёлларга нисбатан айнан қандай чоралар белгилангани очиқланмаган).
Шунингдек, Фарғона вилояти ҳокимлиги матбуот котибининг маълум қилишича вилоят ҳокими Шуҳрат Ғаниев ҳам шахсан ўзи блогер билан учрашган ва кутубхона қурилишига ўзи кафил бўлишини маълум қилган. Қайд этишларича, янги қуриладиган китоб дўкони ҳокимлик балансида бўлади.
