"Хафа бўлиш йўқ" дастури бошловчилари инсонларга ҳазил қилишни давом этмоқда. Бу сафар ҳазилнинг ўлжаси ёш йигит бўлди. Бу ҳақда EVERYDAY.UZ мухбири хабар қилди.
Дастур бошловчилари ёш йигитнинг тўйига келиб унга ҳазил қилишди. Уларнинг сценарийси бўйича куёвнинг собиқ яхши кўрган қизи унинг тўйига келин кўйлакда келади ва тўй меҳмонларига йигитни қаттиқ севганини айтади.
Маълумотларга кўра, ҳазил шунчалар ишончли чиққанидан келин йиғлаб юборган ва тўйни тўхтатмоқчи бўлган. Яхшиямки дастур бошловчилари бу ҳазил эканини айтган ва ҳаммаси жойига тушган. Дастурнинг ушбу сони Қашқадарёда суратга олинган.
Таъкидлаш жоизки, олдинроқ бошловчилар шоу-бизнес юлдузлари билан ҳазил қилишган ва кўплаб артистлар қўпол ҳазилларга эътироз билдиришган.
