Шу йил 21 сентябр куни Бекзод Жўраев ва Шоира Жўраевалар оиласида 4 эгизак - Ҳасан, Ҳусан, Фотима ва Зуҳралар дунёга келган эди.
Маълум бўлишича бугун, 4 ноябрь куни ушбу оилага «Ўзметкомбинат» АЖ томонидан шаҳарнинг 14 даҳасидан 3 хонали уй совға қилинган. Уйни топшириш маросимида уларга керакли уй рўзғор буюмлари ва анжомлар ҳам берилган.
Шунингдек, ушбу оилада 4 эгизак дунёга келиши маълум бўлиши билан онага шифокорлар алоҳида ғамхўрлик қилишган ва шунинг натижасида оилада соғлом фарзандлар дунёга келган.
