Самарқанд вилояти Пайариқ тумани Мирзо Улуғбек маҳалласидаги Каттачопар кўчасидаги уйлар бузилишга тушган. Бундан эса аҳоли норози бўлмоқда.
“Ҳокимгаям, учта боламгаям ўт қўйиб ёқиб юбораман, бошқа чорам йўқ”, – дейди уйи “снос”га тушган фуқаролардан бири.
Маълум бўлишича, ўша кўчада яшовчи аҳоли уйларини ноқонуний қуриб олганликда айбланиб уйлари бузилиш арафасида. “Снос”га тушган уйларнинг баъзиларида кадастр ҳужжати қилинган, баъзиларида эса йўқ.
Пайариқ тумани ҳокими Дилшод Мусинов “снос” масаласи бўйича аҳолига изоҳ берди.
“Агар ноқонуний қарор чиқариб берган бўлсам мен ҳам тайёрман жавоб беришга. Суд қарори билан хулоса қилинади.
Фуқароларга худди ўзларининг уйлари каби уй қуриб берилади, шундан сўнг бузилади”, – дейди ҳоким.
