Ўзбекистонлик уйланган йигит иккинчи марта тўй қилаётганда қонуний хотини тўйга бостириб келиб, тўйни бузди. Бу ҳақда “Репост” хабар қилди.
Манба мухбири тўйида ўз оиласи ва хотини шарманда қилган йигит қиссаси ҳақида ёзди. Мухбир жабрланган қизнинг опаси билан суҳбатлашди.
Маълум бўлишича, исми сир сақланган ўзбекистонлик йигит иккинчи марта уйланишга қарор қилган. У севган қизига ота-онаси Россияда ишлашини, улар жуда ҳам банд бўлганликлари сабабли йигит қиз билан кўриштира олмаслигини такрорлайвериб қизни ишонтирган. Шунингдек, йигит пулга бошқа одамни ёллаб гўёки ота-онаси Россиядан қўнғироқ қилаётгандек кўрсатиб қизнинг отаси билан суҳбатлаштирган. Қиз эса йигитга қаттиқ ишониб қолган ва ота-онасини йигитга беришга рози қилган. Бу орада йигит қизга тўй Тошкентда эмас, балки бошқа шаҳарда бўлишини айтган. У ушбу ҳолатни тўй ҳаражатлари арзон бўлиши билан оқлаган. Шу тариқа улар тўй қилишга келишиб олишган ва тўй кунини белгилашган.
Мухбир билан суҳбатлашган қизнинг айтиишича тўй куни ҳаммаси рисоладагидек бошланган. Лекин кечга бориб ҳаммаси бузилган. Тўйнинг ўртасида йигитнинг ота-онаси, хотини ва куёвнинг қариндошлари кириб келган.
“Бундай шармандаликни ҳеч ким кутмаганди. Бизнинг шубҳаларимиз тўғри чиқди. Отам жаҳл билан куёвга ташланди. Тартибсизлик бошланди. Ярим соатдан кейин ҳаммани тинчлантиришга эришдик. Маълум бўлдики, опамнинг йигити уйланган экан ва ҳаммамизни алдабди. Йигит опам у билан бўлмайди деб қўрққан ва бу ҳақда айтмаган. Хотини билан эса ажрашмоқчи бўлган экан”, – дейди қизнинг опаси.
Қизнинг айтишича опаси у йигитга турмушга чиқмаган ва у ҳозирда ўзининг руҳий ҳолатини яхшиламоқда.
