Кимлардир фарзанд тилаб, яратганга куну-тун илтижолар қилади-ю, яна кимлардир ўз боласини пулга алмашади.
Навоийлик бу аёл эндигина 5 ёшни қарши олаётган ўғли ўзи учун яратганнинг чексиз инояти эканлигини панжара ортида англаб етди.
У 17 ёшида уйидаги оилавий келишмовчиликлар сабаб уйидан чиқиб кетиб Тошкентга келган. У ишлаб пул топиб оёққа туришни мақсад қилган, аммо турмуш қийинчиликларига бардош беролмай осон пул топиш йўлига киради.
А.Қ. таниши Ф.М билан тил бириктириб, ўзаро режалар тузиб фарзандини сотишга уринади. 5 ёшли ўғлига 20. Млн. сўм пул сўрайди. Савдолашувда болани 15 млн. сўм эвазига беришга келишилади.
А. ўғлини сотаётган вақтида ҳуқуқни муҳофаза қилувчи орган ходимлари томонидан ашёвий далиллар билан қўлга олинди ва унга нисбатан қамоқ эҳтиёт чораси қўлланилган.
Жиноят ишлари бўйича Тошкент шаҳар Олмазор туман судида кўрилган ана шу жиноий иш “қаҳрамони” 8 йил озодликдан маҳрум қилинди. Лекин унинг қилмишидан афсусдалиги ва оилавий шароити инобатга олиниб, жазоси шартлига алмаштирилиб, 2 йил синов муддати билан суд залидан озодликка чиқарилди.
