Тошкент шаҳрида шу йил 25 ноябр куни уч эгизак туғилди. Уларга Шавкат, Мирзиё, Миромон деб исм қўйилган. Бу ҳақда “Дарё” хабар қилди.
Асли сурхондарёлик бўлган Бекзод Боқиевнинг яна икки фарзанди бор. Энди уларнинг сони бештага етди. Оила бундан жуда хурсанд.
Бекзод Чилонзорда ижарада яшашини, ўзи эса хусусий фирмада ишлаб рафиқаси боғчада ишлашини айтган. Унинг айтишича бирон-бир манфаатни кўзлаб чақалоқларга бундай исм қўйилмаган. Унинг бобоси халққа нафи тегадиган бўлсин деб, ният қилиб янги туғилган чақалоқларга
Шавкат, Мирзиё, Миромон исмлари қўйилган.
Эслатиб ўтамиз, Ўзбекистонда туғилган уч эгизакларга шундай исмлар қўйилиши натижасида уларнинг оилаларига автомашиналар совға қилинган ҳолатлари кузатилган эди.
