Бундан олти ой аввал Чирчиқда фуқаронинг янги олган "Cobalt"и ўзидан-ўзи ёниб кетган эди. Шундан сўнг “QIBRAY AVTO-MOTO SERVIS” МЧЖ суд қарорига кўра фуқарога 97.479.380 (тўқсон етти миллион тўрт юз тўқсон етти минг уч юз саксон) сўм компенсация тўлаши керак эди. Лекин орадан шунча вақт ўтган бўлишига қарамай фуқаро ҳали ҳам пулларини ололмаяпти.
Маълум бўлишича, “QIBRAY AVTO-MOTO SERVIS” МЧЖ раҳбарияти шу йил 11 ноябр куни вазият юзасидан Олий судга мурожаат қилган, лекин суд уларнинг мурожаатини қаноатлантирмаган, яъни шикоятга ўрин йўқ дейилган, фуқарога пул тўлашлари шартлиги ва давлат даромадига 3.899. 896 (Уч миллион саккиз юз тўқсон тўққиз минг саккиз юз тўқсон олти сўм) давлат божи ундирилиши ҳам кўзда тутилган бўлган. Лекин юқорида таъкидланганидек "UzAuto Motors" дилери суд қарорини бажармаяпти ва ўртада фуқаро пулидан куйиб қолмоқда.
