Фавқулодда вазиятлар вазирлиги ҳафта давомида Ўзбекистонда ҳукмрон бўладиган об-ҳаво маълумотлари билан таништирди.
Ўтган дам олиш кунларида республикамиз ҳудудларига ғарбий совуқ ҳаво массалари кириб келди. 24 ноябр куни ёмғир ёғди, баъзи жойларда эса кучли бўлди, республика ҳудудларнинг кўп қисмида ёмғирни қорга айланиши кузатилди. Кундузги ҳарорат 2-5 даража илиқгача пасайди. Якшанба куни республика ҳудудларининг кўп қисмида ёғингарчилик кузатилмади лекин совуқ ҳаво массалари таъсири сақланиб турди: ҳарорат кечаси 4-7 даража совуқгача, шимолда 10-12 даража совуқгача пасайди, кундузи эса ҳарорат 3-5 даража илиқ атрофида бўлди. Совуқ фронт ўтиши натижасида шамол 15-20 м/с гача, баъзи жойларда 22-25 м/с гача кучайиши кузатилди.
Бугун ва эртага Ўзбекистон ҳудудларига Туркманистон ҳудудларидан нам ҳаво массалари кириб келади, республика бўйича баъзи жойларда ёмғир ёғади: тоғли ҳудудларда ёғингарчилик бўлади, 27 ноябрда баъзи жойларда кучли бўлиши мумкин. Ҳаво ҳарорати бироз пасаяди ва 27 ноябрда 2-7 даража илиқни ташкил этади.
28 ноябрда республика бўйича ёғингарчилик кутилмайди, фақат Сурхондарё вилояти ва Фарғона водийси вилоятлари бўйича ёғингарчилик бўлиши эҳтимоли сақланиб туради. 29-30 ноябрда илиқ ва қуруқ ҳаво бўлиши кутилмоқда. Ҳарорат кундузи 13-15 даража илиқгача аста-секин кўтарилади.
Қиш мавсумининг биринчи ойи бизни ҳақиқий қиш об-ҳавоси билан кутиб олади. 1 декабрда республика ҳудудларининг кўп қисмида баъзи жойларда ёғингарчилик (ёмғир, қорга айланиши мумкин) бўлиши мумкин. 2 декабрда қуруқ ва совуқ об-ҳаво ўрнашади. Ҳарорат фони 7-9 даражага пасаяди, ва 2 декабрга кечаси 2-7 даража совуқни, кундузи 3-8 даража илиқни ташкил этади.
