Турзимни ривожлантириш давлат қўмитаси томонидан тайёрланган Вазирлар маҳкамаси қарори лойиҳаси муҳокамага қўйилди. Унда мамлакатдаги барча ўқув даргоҳларида ҳафтада 5 кунлик ўқув тизимини жорий этиш таклиф қилинган.
Таъкидланишича, агар лойиҳа амалиётга киритилса ўқувчи ва талабалар ҳамда уларнинг ота-оналари мамлакат бўйлаб кўпроқ саёҳат қилиш имкониятига эга бўлади.
Шунингдек, ёзги дам олиш вақтини қисқартириш орқали қишки таътилни узайтириш таклиф этилган.
Қарор лойиҳаси шу йил 25 декабргача муҳокамага қўйилган.
