Аввалроқ ОАВда Самарқанд вилоятида дўстининг 14 ёшли қизига тегажоғлик қилгани учун эркак қизнинг отаси томонидан ўлдирилган ҳақида хабарлар тарқалган эди.
Маълум бўлишича ўша хабарлардан сўнг ўзини Президент аппарати ходими деб таништирган эркак "Дарё" мухбирига сайтдан маълумотни ўчиришни талаб қилган. Ўзини аппарат ходими деб таништирган Нишонбой Абдувоитовга мухбир вазиятни ҳар қанча тушинтиришига қарамай маълумотни қаердан олганлигини сўраган. Ўз навбатида маълумот суд қарорига кўра олингани айтилган бўлсада аппарат ходими суд вазиятни очолмаганини таъкидлаган.
Шундан сўнг мухбир вазиятни янада ойдинлаштиришга ҳаракат қилган. Абдувоитов ҳақиқатан маълумотни ўчиришни талаб қилганини тан олган ва ундан ким бўлиб ишлайсиз деган саволга «Интернет сайтлари бўйича ишлайман» деб жавоб берган. Янада аниқлик киритилгандан сўнг ўзини аппарат ходимиман деб таништирган Нишонбой Абдувоитов марҳум Абдувоитовнинг қариндоши бўлиб чиққан.
Шунингдек, "Дарё" нашри вазият бўйича тарқатган хабарида 2007 йил 15 январь куни қабул қилинган «Оммавий ахборот воситалари тўғрисида»ги Ўзбекистон Республикаси қонунига ўзгартиш ва қўшимчалар киритиш ҳақида»ги қонуннинг 7-моддаси ҳамда ўша қонуннинг 33-моддасига кўра цензурага йўл қўйилмаслигини ва манбанинг номини айта олмаслигни ҳам факт қилиб кўрсатган.
