Маълум бўлишича, вилоятнинг Когон шаҳрида жойлашган 9-сонли мактаб 1986 йилда қурилган ва ўшанда мактабнинг ҳар бир қаватида хожатхона бўлган. Шундан сўнг мактаб 2013 йилда қайта таъмирланган ва янги лойиҳага кўра 3 қаватлик бинода фақат 1-қаватда хожатхона қолдирилиб, қолган барча қаватлардаги хожатхоналар ёпиб қўйилган ва ишлатилмаган. Суратлари тарқалган вазият эса шу йил 13 декабр куни содир бўлган ва мактабда 9 синф ўқувчиларидан ана шу фойдаланилмай келинган хожатхонада назорат иши олинган. Ҳокимият бундан буён ўша хонадан фойдаланилмаслигини маълум қилган.
Шунингдек, расмий хабарда мактабда аслида 1051 ўқувчи ўқиши кераклиги, лекин 2019-2020 ўқув йилида умумий ўқувчилар сони 1573 нафар бўлганига алоҳида урғу берилган.
