Ўзбекистон халқ артисти Юлдуз Усмонова ОАВга берган интервьюсида Гулнора Каримова ҳақида гапирди. Журналист интервью жараёнида Усмоновадан 2013 йилда “Гулисан” қўшиғини куйлагани, лекин 2019 йилда Каримовани ўғри деб айтган гапига изоҳ сўради.
“Мен сизга бир нарсани айтаман. “Гулисан” “заказ” қилинган қўшиқ деб айтганман. Мени майли ёлғончига чиқаринглар, лекин мусиқачиларим бор, ўшалардан сўранг нечида бўшаганимизни. “Заказ”га ёзилган эди. Ижро этиш мажбуриятимиз бор эди. Мен ўша пайтда бир нарса дейишим мумкинмиди? Бу ерда невараларим, қизларим бор эди. Нима дея олар эдим? Орқамга тепиб юборишган юртдан. Ҳамма нарсамни ташлаб кеттим. Ким туриб бера олди ўшанда?
Шунингдек, Усмонова “Асрлар садоси” фестивалига чиқмаганини, саҳнага чиқишдан сал аввал Шуҳрат Ғуломов (таҳр. – собиқ МХХ раис ўринбосари) келиб унга қизил ҳарфлар билан ёзилган президент томонидан имзоланган рўйхатда турганинини ҳам айтди.
“Менинг Гулнорадан аламим йўқ. Унинг мард тарафлари ҳам бор эди. Ўзи еса ҳам бировга едирмас эди. Ўзи чақса ҳам бировга чақдирмас эди. Шу одатлари ҳам бор эди. Лекин фактни гапирайлик. Давлатни ўмариб қўйишди-де”, – деди Усмонова.
