Фарғона вилоятида тракторнинг портлаши натижасида вафот этган эркакнинг оиласига ҳокимият 100 доллар ва бир қоп ун берди. Бу ҳақда ОАВда хабарлар тарқалди.
Ҳодиса шу йил декабр ойи бошида Бешариқ туманида содир бўлган. Трактор ҳокимият томонидан маҳаллий тадбиркордан олинган бўлган. Норасмий хабарларга кўра трактор носозлик сабаб портлаган.
Эркак портлашдан сўнг бир ҳафта давомида шифохонада хушсиз ётган. Бир ҳафтадан сўнг у вафот этган. Ҳокимият марҳумнинг оиласига бир қоп ун, 7,5 литр ёғ ва 100 доллар берган.
