Таълим сифатини назорат қилиш давлат инспекцияси бошлиғи Улуғбек Ташкенбаев ЎзАга интервью берди.
Суҳбат давомида Ташкенбаев илк синфга қадам қўйиган ўқувчининг ҳаётида биринчи муаллим муҳим рол ўйнашини айтди. Шундай экан биринчи ўқитувчини тўғри танлаш кераклиги, фарзанднинг ўқишга бўлган қизиқишида ўқитувчининг роли катта эканини таъкидлади.
Шунингдек, сўнгги вақтларда ота-оналар асосан фарзандларини рус тилидаги синфларга ўқишга бераётгани ҳам айтилди. Бунда ота-оналар рус тилини билмаса ҳам фарзандини рус синфга бериши ачинарли ҳолат экани таъкидланди.
“Кузатувларимиз натижасига кўра, охирги вақтларда ота-оналар ўз фарзандларини рус тилидаги синфларга ўқишга беришни хоҳлашади” – дейди Ташкенбаев.
Ушбу ҳолатларни ҳисобга олиб инспекция раҳбари фарзандларга она тилини ўрганишда эътиборлироқ бўлишни маслаҳат берди.
