Чинозлик “Аҳмадбой” ўз “фаолияти”ни қандай бошлагани ва одамлар унга ишлагиси келмаса ҳам мажбурлаб ишлатгани ҳақида сўзлаб берди.
Унинг айтишича Аҳмадбой фаолиятини 2006 йилда қорамол савдоси билан бошлаган. 6 ой ёки 1 йилга одамлардан қорамол олиб, мол савдосини бошлаган. Йилига 100 тадан 300 тагача қорамол олинган. Шунингдек, қорамоллар 5 фоизлик устама билан қайтариш шартига кўра олинган. Аҳмадбой 2014 йилдан нақд пулни касса қилишни бошлаган. Бир йилга 3-4 минг одамдан пул олган. 100 миллионлик нарсани 150 миллион қилиб қайтариш шарти билан нарсалар олинган ва бундан ҳамма манфаатдор бўлган.
Аҳмадбой одамлари қўпайганидан сўнг фаолиятини тўхтатмоқчи бўлганини айтган. Одамларга пулини қайтариб берса, “йўқ айлантириб бер” дея қайтариб беришган. Унинг айтишича Аҳмадбой “ишламайман” деса одамлар ‘йўқ ишлайсан!’ дейишган. Шунингдек, ўзига ўзи қачонгача фоиз тўлаб юраман, дея савол ҳам берган.
Эслатиб ўтамиз, Аҳмадбойга Тошкент вилояти судининг 2019 йил 20 майдаги ҳукми билан тайинланган жазосини қўшиб, узил-кесил ўташ учун 1 йил муддатга тадбиркорлик билан шуғулланиш ҳуқуқидан маҳрум қилган ҳолда 14 йил 3 ой озодликдан маҳрум қилиш ҳамда энг кам ойлик иш ҳақининг 400 баравари миқдорида 52 миллион 96 минг сўм жарима жазолари тайинланган.
