Адлия вазири Русланбек Давлетов 24 соат ишлаш эмас, балки ақл билан ишлаш кераклигини айди.
Давлетов вазирлик тизимида иш тугагач барча ходимларнинг компьютерлари автоматик ўчирилаётганини айтиб, ушбу синов ўз самарасини бераётганини таъкидлади. Унинг айтишича Ўзбекистонда ходимлар иш берувчининг мажбурлаши натижасида кўп вақт ишламоқда.
Шунингдек, ушбу амалиёт жорий қилингач айрим ходимлар кечқурун илҳом келишини айтиб компьтерни ўчирмасликни сўраётганини ҳам айтди. Вазир бюрократияга чек қўйган ҳолда 24 соат эмас, балки ақл билан ишлаш лозимлигини алоҳида таъкидлади.
Давлетов ишдан ташқари ишлайдиганларнинг оиласига кам вақт ажратиши, кунлик иш режаси нотўғри тузилиши, энергоресурслардан нотўғри фойдаланиш ҳамда унинг самарадорлиги тушиб кетишини айтди.
