Менинг фикрим порталига ҳайдовчилик гувоҳномасини олиш учун автомактабларда ўқишни мажбурий қилишни бекор қилиш таклиф этилиб, мурожаат қолдирилди.
Мурожаатчи ўз таклифида йўл белгиларини мустақил равишда, машина ҳайдашни эса қариндошлари орқали ўрганиш мумкинлигини ёзган. Чунки автомактабда ўқилгани билан барибир оҳирида имтиҳон топширилгандан сўнггина “право”олиш мумкинлиги алоҳида таъкидланган. Шундай экан автомактабга кетган 2-3 млн сўмни ўз қариндошига берса ҳам бўлиши айтилган.
Ўз навбатида мурожаатчи барча автомактабларни беркитиш тарафдори эмаслигини, шунчаки у ерда ўқиш ихтиёрий қилиб қўйилишини хоҳлашини ёзган. Агар ушбу таклиф амалга ошса бу жамиятимиз равнақига ҳисса қўшиши ҳам таъкидланди.
Ушбу мурожаат ҳозирда 1000 га яқин овоз йиққан.
