Тармоқларда Миришкор тумани ҳокими Бахтиёр Ражабовга тегишли бўлган аудиёзувлар тарқалди. Унда ҳоким йиғилишда сўкаётганини, баъзи ҳолатларда эса ураётганини эшитиш мумкин.
"Дарё" вазиятга ойдинлик киритиш мақсадида ҳоким ва унинг матбуот котиби ҳамда йиғилишда иштирок этганлар билан суҳбатлашди.
Ҳокимнинг айтишича, у ҳақиқатдан сўккан, лекин урмаган. Қолаверса у бир кишини, яъни маҳалла раисини солиқ билан муаммо сабаб сўкканини айтган. У чарчаб тургани, маҳалла раиси топшириқни бажрмаганидан ғазабланган.
Таъкидлнганидек, аудиода ҳоким кимнидир ураётганини билиш мумкин. Лекин ҳоким ва унинг матбуот хизмати раҳбари ҳоким ҳеч кимни урмаганини айтмоқда. Ўша овозлар, уларнинг айтишича "монтаж" қилинган. Йиғилишда иштирок этган раислардан бири эса ҳоким қўл кўтарганини, хатто биттасининг қовурғаси синган бўлиши мумкинлигини айтмоқда.
Йиғилишда иштирок этганларнинг айтишича мажлис 28 феврал куни кеч соат 20:00 да бошланиб, 00:00 га қадар давом этган. Ҳозирда ҳолатни прокуратура ўрганмоқда.
Эслатиб ўтамиз, Миришкорнинг аввалги ҳокими Равшан Комилов дала майдонидан маккажўхори олаётган отахонни ҳақоратлагани учун машҳур бўлиб кетган. Кейинчалик халқдан узр сўраган ва лавозимидан озод этилган.
