Сўкинган ҳокимининг аудиоси тарқагандан сўнг Адлия вазирлиги ҳақорат учун қандай жазо борлигини эслатиб қўйди

4-03-2020, 10:14
Жамият
Сўкинган ҳокимининг аудиоси тарқагандан сўнг Адлия вазирлиги ҳақорат учун қандай жазо борлигини эслатиб қўйди
Аввалроқ тармоқлар ва сайтларда Миришкор тумани ҳокимининг мажлисда сўкингани ҳақида бир қанча хабар-у янгиликлар пайдо бўлган эди. У бўйича ҳокимнинг ўзи ҳам, Қашқадарё вилояти ҳокими ҳам муносабатини билдириб бўлди. Энди якуний натижани кутиш қолди холос.

Ушбу воқеа содир бўлгандан сўнг Адлия вазирлиги ўзининг телеграмдаги "Ҳуқуқий ахборот" номли каналида ҳақорат қилингани учун қонунчиликда қандай жазо борлигини бир эслатиб қўйди.

Вазирликнинг ёзишича, ҳақорат қилганлик учун маъмурий ва жиноий жавобгарлик бор. Хусусан, Маъмурий жавобгарлик тўғрисидаги кодексда ҳақорат қилган шахсга нисбатан 4 460 000 сўмдан 8 920 000 сўмгача миқдорда жарима солиниши белгиланган. Агар кимдир ушбу ҳуқуқбузарликни яна такроран содир этса унда унинг ушбу ҳаракатига жиноий жавобгарлик белгиланади.

Жиноят кодексида эса ҳақорат қилган шахсга 44 млн 600 минг сўмгача миқдорда жарима тўлаши, 240 соатгача мажбурий жамоат ишларига жалб қилиниши ёки 1 йилгача ахлоқ тузатиш ишлари жазоси берилиши мумкин.

Шунингдек, агар ҳақорат қилиш нашр қилиш, бошқача усулда кўпайтирилган матнда ёки ОАВ орқали амалга оширилса ушбу ҳаракат тўғридан-тўғри жиноят ҳисобланади. Бундай ҳолда эса айбдор 44 млн 600 минг сўмдан 89 млн 200 минг сўмгача жарима тўлаши, 240 соатдан 300 соатгача мажбурий жамоат ишларига жалб қилиниши, 1 йилдан 2 йилгача ахлоқ тузатиш ишлари билан жазоланиши мумкин.

Агарда ҳақорат қилиш: жабрланувчини ўз хизмат ёки фуқаролик бурчини бажариши муносабати билан боғлиқ ҳолда, хавфли рецидивист томонидан, туҳмат қилганлиги учун илгари судланган шахс томонидан қилинган бўлса, 89 млн 200 минг сўмдан 133 млн 800 минг сўмгача миқдорда жарима. 2 йилдан 3 йилгача ахлоқ тузатиш ишлари, 1 йилгача озодликни чеклаш, 1 йилгача озодликдан маҳрум қилиш жазоси тайинланиши мумкин.
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Содда 4 март 2020 17:06
Конунларни кимлигига караб кулланиладими. Нега шунча одамни хакорат килганга кулланилмайди шу конун
Муминжон 1973 4 март 2020 20:50
ХО-кимсан эрталаб ширин чой ичиб юргин. Хадеб спиртли ичимлик ичмадан.

МУНОСАБАТ БИЛДИРИШ

Сўнгги янгиликлар

ИИББ томонидан SPA-салонлар текширилиши ва аниқланган фоҳишалар билан қандай суҳбат олиб борилиши ҳақида айтилди

Тошкент шаҳар ИИББ томонидан SPA-салонлар текширилиши ва аниқланган фоҳишалар билан қандай суҳбат олиб борилиши ҳақида...
Кеча, 20:00

Тошкентда коронавирусга чалинган аёл вафот этди

Тошкентда коронавирусга чалинган аёл вафот этди. Бу ҳақда ССВ хабар қилди. Маълум бўлишича, шу йил 30 май куни...
Кеча, 17:56

Ўзбекистонда коронавирусга чалинганлар сони ошгани маълум қилинди

Ўзбекистонда коронавирусга чалинганлар сони ошгани маълум қилинди. ССВ томонидан бу бўйича сўнгги маълумотлар эълон...
Кеча, 17:45
/ Муҳокамалар +1

Яшил ҳудудлардан бири карантинга олинди

Қашқадарё вилоятининг Китоб тумани карантинга олинди. Бу ҳақда ССВ хабар қилди. Маълум бўлишича, туманда коронавирусга...
Кеча, 12:59
/ Муҳокамалар +2

Қаровсиз қолдирилган машинани бошқарган 15 ёшли бола 6 яшар боланинг умрига зомин бўлди

Қаровсиз қолдирилган машинани бошқарган 15 ёшли бола 6 яшар боланинг умрига зомин бўлди. Воқеа Жиззах вилояти Ш.Рашидов...
Кеча, 12:50
/ Муҳокамалар +1