Ҳозирда у ерда қизғин иш жараёни олиб борилмоқда. Шу кунларда хавфсизлик нуқтаи назаридан Паркент кўчасидан Маҳтумқули кўчасигача бўлган йўл ҳамда Паркентдан Пахлавон Махмуд кўчасигача йўллар ёпилган эди. 6 март санасидан эса 10 кунга Дўрмон йўли кўчасидан Махтумқули ва Паркент кўчалари кесишмасигача бўлган йўллар ёпилди. Бу эса ўз навбатида шаҳарда ҳаракатланишга бироз қийинчилик туғдирмоқда.
Бугун пойтахт ҳокимлиги матбуот хизмати раҳбари Фурқат Маҳмудходжаев янги кўприк кейинги ҳафта очилишини маълум қилди.
Маҳмудходжаев пойтахтликлар ва меҳмонлардан юзага келган ноқулайликлар учун узр сўради.
“Афсуски, йўлларнинг ёпилиши транспорт ҳаракатланишини қийинлаштирмоқда ва шунинг натижасида тирбандиклар юзага келмоқда. Биз шаҳар бўйлаб ҳаракатланиш қийин бўлаётганини тушинамиз. Лекин шундай қилишга мажбурмиз. Бугунги кунда қурилишга 1600 киши жалб этилган. Агар йўлни ҳозир ёпмаганимизда барибир бу ишни қачондир қилишимиз керак бўларди. Қурилишнинг ўз тартиби бор”, – деди Фурқат Маҳмудходжаев.
