"Зарафшон" газетасида "Қулоққа чалинган гап" рукни остида қуйидаги икки дўст ўртасидаги суҳбат эълон қилнгани эътиборимизни тортди.
– Жалил, Президентимизнинг "Yoshlar – kelajagimiz" Давлат дастури тўғрисида"ги фармонига кўра, 7 фоизлик имтиёзли кредит берилаётган экан, биз ҳам оламизми?
– Эҳ, Ҳабиб, ҳалиям ақлинг кўп нарсага етмайди-да, кредит олиш учун бойнинг боласи бўлишинг керак. Ана, амаким "Ўғлим бекор юрмасин", деб ўғлининг номига 15 миллион сўм кредит олиб, иссиқхона қуриб бермоқчи эди, сарсон бўлгани ва ҳужжат тўғрилаш учун анча пулидан айрилгани қолди, холос.
Ушбу гаплар бизни ҳам чуқур ўйга солди. Сиз-чи? Кредит ололдингизми?
