“Ўзбекгидроэнерго” компанияси 2025 йилгача 30 МВт кучдан юқори бўлган йирик 4 ГЭС, 16 кичик ГЭС қуриш ҳамда мавжуд 21 ГЭСларни қайта таъмирлашни режалаштирмоқда. Бу ҳақда Ўзбекистоннинг 2020-2024 йилларда гидроэнергетик соҳани ривожлантириш концепсиясида келтириб ўтилган.
Барча лойиҳалар 2,6 млрд долларга баҳоланмоқда, уларниг 600 миллион доллари кредит маблағлари эвазига қопланади.
Натижада электроэнергиянинг йиллик ишлаб чиқариш ҳажми 2826 млн кВт.с. га кўпаяди. Шунинг натижасида «Ўзбекгидроэнерго» АЖ тузимидаги ГЭСлар сони 57 тага ва электроэнергия ишлаб чиқариш ҳажми эса 9 343 млн кВт.с.га етади.
Мустақиллик йилларида Ўзбекистонда мавжуд 37 гидроэлектростанцияларнинг 7 таси янги қурилган эди, қолганлари 30-80 йил аввал қурилган.
