Хабарингиз бор бугун Ўзбекистонда коронавирусдан тузалган 7 фуқарога Вирусология илмий текшириш институтидан рухсат берилди. Эндиликда улар Республика ихтисослаштирилган терапия ва тиббий реабилитация тиббиёт марказида вақтинча ушлаб турилади. Қалампир.уз мухбирлари касалликдан тузалган 63 ёшли фуқаро М.Э. билан суҳбатлашди.
Маълум бўлишича, фуқаро қурилиш материаллари ишлаб чиқариш заводида ишлаган, ҳозирда у пенсияда. У дастлаб қулоғи оғриб шифокорга мурожаат қилган ва шундан сўнг 1-шаҳар шифохонасида ётиб даволанган. У ерда бир нафар фуқарода коронавирус аниқланган ва шу билан барча ўша ерда қолиб кетган. Маълум вақт ўтгач эса у ва бошқа беморлар Вирусология илмий-текшириш институтига жойлаштирилган.
М.Э.нинг айтишича, Вирусология илмий-текшириш институтида барча шароитлар мавжуд.
Ўз вақтида овқатимизни беришди. Мунтазам назорат қилишди. Беморларга ўз вақтида муолажалар қилинмоқда. Барака топишсин, тиним билишмайди, - дейди 63 ёшли фуқаро.
